最近溫度終於開始明顯下降，冬天終於要黎啦！要抵禦寒冬，第一時間梗係諗起打邊爐、羊腩煲、蛇宴及煲仔飯等暖胃中菜。Involtini行政總廚Jack就決定將呢個禦寒嘅概念加入佢地最新嘅Tasting Menu之中，仲邀請冠軍侍酒師Reeze Choi再一次為Involtini的美食配上美酒，令享受提昇到更高層次。今次Wine Pairing唔再局限於意大利酒，Reeze特別由世界各地搜羅了6款佳釀，包括產自克羅地亞、奧地利及匈牙利嘅小眾美酒，帶大家Joy around the world!
 
Involtini冬日禦寒Tasting Menu共有六道菜式，每一道都充滿冬天氣息，詳情如下:
 
開胃菜：迷你的冬日花園 配 番茄和馬鈴薯 醃製紅黃菜頭
        配酒：Austria, Niederösterreich, Grüner Veltliner, Gartling, Nigl 2016
用粟米及芝士做成嘅綠色番茄，外皮以羅勒定形。旁邊係小薯蓉，薯仔皮係乾嘅牛肝菌粉。紅色及橙色係是來自荷蘭全世界最細嘅車厘茄Tom Berry。醋及紅黃菜頭嘅配搭，味道酸酸甜甜，下面一圈圈嘅泥土是用蒜蓉和乾冬菇做的成，加上食用花，就如初冬嘅迷你花園。

第一道：炸白魚配意大利乾魚春
        配酒：Spain, Cava, Imperial Gran Reserva Brut, Gramona 2013
將白飯魚打成蓉，然後釀入意大利乾魚春後酥炸。外層加上紫菜增加味道層次，入口時乾魚春會半融化，會有鹹蛋黃嘅感覺。

意大利燴飯：香煎蘑菇意大利飯 配牛肝菌溶 牛肝菌餅乾
        配酒：Croatia, Istria, Cabernet Sauvignon, Roxanich 2008
將意大利燴飯煎至香脆，竟然會有煲仔飯嘅焦香效果！配上意大利牛肝菌蓉，味道濃郁，香氣係口腔中久久不散。飯面放上牛肝菌造型餅乾，上面鋪滿牛肝菌粉，香氣四溢，係色香味俱存嘅菜色。

意大利麵：傳統鴨肉醬手做意大利幼麵
        配酒：Italy, Sicilia, Noto DOC, Nero d’Avola, Don Pasquale, Marabino 2013
先起鴨骨煲鴨湯，再手切鴨肉粒，同意大利麵及巴馬臣芝士一同烹煮，充滿冬天濃厚嘅味道。鴨有禦寒嘅功效，再配上美酒，令冬天不再寒冷。

主菜一：意大利式水煮魚
        配酒：Hungary, Tokaji, Furmint, Dobogó 2012
或

主菜二：佛羅倫斯式煎美國羊T骨
        配酒：Australia, Heathcote, Shiraz, Handpicked Wines 2012

意大利式嘅水煮魚唔會辣，仲充滿鮮味。瘋狂之水(Crazy water)嘅意大利文是 “Acqua Pazza” ，係拿坡里漁夫嘅傳統料理方式。今時今日，只要是以魚類為主嘅海鮮料，配以蔬菜，加上橄欖油和番茄、香草等燴成，就可以叫做“Acqua Pazza”。Jack用新鮮鱸魚加上海鮮湯及蜆水和雜菜粒一同煮成，配以意大利珍珠意粉增加口感。

除咗鴨之外，羊肉亦有禦寒功效，來自美國嘅羊T骨，喺香港餐廳並不常見，T骨嘅特點是可以同時享用羊西冷和羊柳兩種不同的風味。首先將外層煎至焦香，配以佛羅倫斯的簡單煮法 - 蒜頭和香草，帶出羊本身的味道，另外Involtini會將蒜頭打成蓉及加上Cajun香料增加味道的層次。
 
甜品：雪山 – 橙味朱古力慕斯
 
以上六道菜Tasting Menu價錢為每位HK$628 + 10%服務費，如需加配Wine Pairing，另加每人HK$320+10%服務費。此Tasting Menu將會於11月26日開始供應(聖誕期間照常供應)。