踏入秋冬,皮膚又開始覺得好乾燥痕癢啦,係因為乾燥嘅天氣令皮膚水份流失,導致皮膚表面嘅油脂層受損!要好好保護皮膚,唔單止要密密搽潤膚液,一於學下以下4個秘訣養好肌膚,由內到外咁滋潤皮膚,先可以有助抵抗秋冬乾燥天氣。
首先從飲食著手,不妨多食含有豐富脂肪酸嘅食物。脂肪酸係製造細胞膜同皮膚嘅重要元素,有助鎖緊皮膚水分同彈性,由於身體係唔會自行製造呢種脂肪酸,所以必須從食物中吸收,就好似深海魚、鯖魚、同埋香港人最愛嘅三文魚都可以、或者合桃同杏仁亦係唔錯嘅選擇。
秋冬,當然都要飲下靚湯滋保下先得喇,可以試下煲呢款「雪梨沙參玉竹薏米茶」呢款雪梨茶除左清潤祛濕之餘,沙參玉竹更有效減少皮膚騷癢,特別適合濕疹嘅朋友仔。
材料:生熟薏米共$5 / 雪梨3個 / 北沙參&海玉竹各1兩 / 無花果5-6粒 / 雪梨3個 / 水約3.5公升
做法:凍水先加入沙參、海玉竹、生熟薏米及無花果,用大中火煲約20分鐘;隨後下雪梨,轉小中火煲45分鐘即可。
除左飲食方面要注意,外在護膚都唔可以缺少,尤其係唇部嘅護理!如果嘴唇缺乏滋潤而有裂紋,唔單止會影響外觀仲有機會乾燥到爆拆流血添,所以擁有一支滋潤又持久嘅護唇膏就好重要!
無論有化妝定素顏,都要養成用具修護功效的潤唇膏的習慣,抵抗猛烈陽光同乾燥天氣對雙唇造成的傷害!呢款來自澳洲的Burt's Bees嘅蜂蜜皇牌潤唇膏,萃取自鮮果精華同蜂蠟,豐盈滋潤,加上柔潤乳霜令雙唇飽滿健康,仲要係100%全天然的潤唇膏,難怪大受歡迎。
最後,搽潤膚液都有秘訣架!係皮膚半濕狀態搽潤膚產品效果最好,有助潤膚成份更貼服於油脂層上,發揮持久護膚作用。建議係沖涼之後,半抹乾身體,然後即時塗上潤膚品~咁就可以更滋潤喇!












