情侶成日因為一些很無聊的生活小事而嗌交、冷戰，可能嫌佢將襪同其他衫一齊洗，可能嬲佢出門拖拖拉拉。雖然大家都知道嗌交唔好，但都總會忍唔住，而講左傷人既說話之後，就選擇避開對方。其實你地既唔開心都可以利用一個小動作去解決，就係俾彼此一個深深久久既擁抱！
根據研究，發現嗌完交之後既情侶如有擁抱，就可以令佢地原有積極正面既態度唔會被削弱，仲可以降低受到負面情緒干擾個人生活。擁抱對於情感修復有強大力量，而且重點在於擁抱唔係令人忽視，唔去面對負面想法，最終積累一發不可收拾；而係真正咁舒解左唔好既情緒，令人趨向平靜。
其實係學界一直有關於「觸摸」既感官研究，好似係擁抱呢類型既肌膚碰觸已經證實能夠為人體帶來好多好處。例如為嬰兒按摩就被認為係同BB增進親密感既最佳方式。
會有咁樣既效果係因為當人體有肌膚接觸，如撫摸、握手或擁抱時，身體會自然釋放出「血清素」，被普遍稱作「幸福荷爾蒙」，能夠為精神帶來安定及平靜。所以當你擁抱既時候，壓力值就會自然咁降低，同時仲減低疼痛、憂鬱和焦慮等負面感受。
所以下次嗌交後，和解時一定要俾對方一個大大既擁抱！
Tags: homita私房話
如果你都想分享你嘅美容、時尚、旅行、運動心得，請將投稿文章連同不多於100字個人簡介同埋近照一張，電郵到： editor@homita.com.hk，文章經小編篩選後更有機會刊登喺我哋FB專頁，一經入選我哋會支付相應稿酬，仲唔快啲來投稿？
Author Information
You May Also Like
