你同緊一個男人定係一個男仔拍拖呢?男人可以俾你依靠,男孩可以帶俾你樂趣,其實都唔錯,但如果男仔過於幼稚,幼稚到要你好似啊媽咁照顧佢,咁樣相處實在太辛苦啦。以下五個星座係成個大細路咁,但只要佢地成熟返小小,又可以保留佢地純真的特質就最好啦!
第五名 雙子座
雙子座既幽默健談成日吸引到唔少人,但真正同佢地一齊之後,你會發現佢地一開口就係輕浮既笑話,但一講到正經既話題,佢地就會講笑咁帶過。雖然有幽默感好好,但亦都要有肩膀。
第四名 射手座
射手座有好似細路仔咁有冒險心同好奇心,係一個優點,但射手既另一半可能有時唔會咁覺得,因為唔鍾意規範同教條既射手,就好似個小朋友咁唔受控,所以佢地突然消失你都唔駛咁驚訝。
第三名 獅子座
獅子座就好似哆拉 A 夢入面既胖虎,好需要有人支持。因此如果要令獅子更鍾慕你,好似媽媽鼓勵小朋友咁不斷讚佢就得。
第二名 天蠍座
天蠍座平常可以好似個男人咁沉穩,但一提到佢地既佔有慾,就會好似個熱愛自己玩具既細路,唔俾人掂。而且你一旦傷到他既心,雖然外表睇唔出,但佢絕對會擺上心裡好耐好耐。
第一名 白羊座
白羊座好似火箭咁,爆發力好強,但一唔小心就好易爆炸。佢地成日無顧慮到身邊既人既感受,係好難控制既一隻羊。因此同佢地一齊既人一方面被白羊既熱情吸引,一方面又被白羊搞到心很累啊!
Tags: homita占卜師
如果你都想分享你嘅美容、時尚、旅行、運動心得,請將投稿文章連同不多於100字個人簡介同埋近照一張,電郵到: editor@homita.com.hk,文章經小編篩選後更有機會刊登喺我哋FB專頁,一經入選我哋會支付相應稿酬,仲唔快啲來投稿?
Author Information
You May Also Like
熱 Trends | by | 6 years ago
星 Horoscope | by Coco | 4 years ago
星 Horoscope | by Y小編 | 4 years ago
星 Horoscope | by Y小編 | 4 years ago
星 Horoscope | by Y小編 | 4 years ago