今個夏天大家係圓方又多個新蒲點啦！喺香港擁有多個餐飲熱點的 Eclipse Hospitality Group 係圓方豪華商場開設全新嘅愛爾蘭餐廳-McSorley’s Brewhouse & Grill。新店盡情展現愛爾蘭酒吧文化，包括熱情嘅款待及悠閒歡愉嘅氣氛，等顧客喺新店體驗獨一無二嘅愛爾蘭式餐飲文化。 

其實成間餐廳設計都好有格調，如果係夜晚嚟相信仲好FEEL。而且地方夠大，佔地兩層，下層以酒吧為主題，設有室外座位，岩曬 Happy Hour 或飯後小酌！

每日都有唔同優惠，抵食度爆登！加埋香港好少愛爾蘭餐廳，有時間真係要好好體驗下～

今次小編就試咗兩款菜式、一款甜品同黑啤。感覺真係好滿足架，而且兩個人食都好飽！

香草煎大西洋三文魚 ($248)

三文魚上綠綠嘅香草，氣味相當清新，而外皮煎至微焦，咬落香噴噴，仲帶少少魚油香。加上肉質挺柔軟，又嫩滑又JUICY，吃嘅時候再蘸上特製嘅檸檬牛油汁~絕配！

健力士牛肉批 ($248)

呢款小編大力推薦啊！牛肋肉加入黑啤醃製燴煮，食嘅時候記得將脹卜卜酥皮刺穿，再混合牛肉粒同吃，甜鹹交雜，簡絕係味蕾大滿足，就連隔離嘅薯蓉都好出色！

傳統蘋果批 ($88)

見到個擺盤咁靚已經心花怒放喇～食蘋果批當然要配上香草雪糕，成個感覺昇華曬，為呢餐做個完滿嘅結束。

McSorley’s Brewhouse & Grill        

尖沙嘴圓方演薈廣場3樓R001舖　

電話：2736 4888