頂級意大利巧克力品牌Venchi承傳140年傳統,一直對食物品質及新鮮度有專業而嚴格嘅要求。除咗採用100%純天然材料,更堅持各國分店出售嘅產品統一於意大利製造。
秉持品牌原則,Venchi致力研發不同口味嘅產品,並生產咗一系列獲獎巧克力。王牌產品包括Giandujotto榛子牛奶巧克力、Cremino三層榛子蓉方塊巧克力、Nougatine焦糖榛子巧克力以及Chocaviar巧克力。
適逢中秋佳節將至,Venchi巧妙地揉合咗意大利及中國傳統,以Cremino配方設計出兩款巧克力月餅,並推出花好月圓中秋禮盒系列,祝願大家人月兩團圓。
品牌嚴選皮埃蒙特嘅優質榛子,製成香氣馥郁嘅天然榛子蓉,打造出層次分明嘅三層榛子蓉牛奶巧克力月餅及三層榛子蓉黑巧克力月餅。三層榛子蓉牛奶巧克力月餅嘅三重層次分別係委內瑞拉榛子蓉牛奶巧克力、榛子白巧克力以及委內瑞拉榛子蓉黑巧克力。品牌以軟滑牛奶巧克力軟心代替蛋黃,把意式風情完美融入中國傳統食品。
三層榛子蓉黑巧克力月餅上下兩層係特濃榛子蓉黑巧克力,中間係烘培杏仁黑巧克力,而月餅中心夾有牛奶巧克力軟心。層次豐富而鮮明嘅三層榛子蓉黑巧克力月餅,絕對可以帶來意想不到嘅驚喜!
花好月圓中秋禮盒系列現已公開發售。凡於8月28日或之前惠顧,更可享早購優惠:繁花追月中秋禮盒$124(原價:$155);花好月圓長型中秋禮盒$440(原價:$550);七星伴月中秋禮盒$240(原價:$300);花好月圓雙層中秋禮盒$640(原價:$800)。
Tags: Homita中秋節
如果你都想分享你嘅美容、時尚、旅行、運動心得,請將投稿文章連同不多於100字個人簡介同埋近照一張,電郵到: editor@homita.com.hk,文章經小編篩選後更有機會刊登喺我哋FB專頁,一經入選我哋會支付相應稿酬,仲唔快啲來投稿?
Author Information
You May Also Like