日日無間斷洗面，但係都仲有痘痘同油光問題？以為係潔膚產品唔啱自己，又換過好幾個品牌，但問題都無改善？咁嘅話，出問題嘅好可能就係你嘅洗面手法啦！

#沖涼由洗面開始

喺沖涼果陣洗臉係唔少人嘅習慣，係咁嘅話就應該先洗面啦。因為臉上嘅毛孔遇到蒸汽會打開，如果唔快啲將上面嘅油汙同灰塵洗走，佢地就會進入毛孔引起發炎、生痘痘嘅問題。唔係嘅話塊面就會越洗越差啦！

#洗面用溫水

溫水可以令毛孔張開，俾清潔產品帶走毛孔中過剩嘅油汙。不過水溫亦唔可以過熱，因為熱水會令皮脂流失，引起皮膚乾燥、毛孔粗大嘅問題，對皮膚唔好咖。水溫最好同體溫差唔多，用手摸有嘅暖暖地嘅感覺就得咖啦。

#徹底搓揉起泡

無論係邊種潔顏產品，都一定要先喺手上搓出泡沫先用，不過有啲產品本身就唔易起泡，買果陣要注意呀。洗臉前要先用溫水將臉打濕，令表面活性劑順利與油汙結合，達成理想嘅清潔效果。

#用指腹畫圈按摩

洗臉果陣指腹喺臉上畫圈按摩一分鐘左右，順序要由下而上、由內而外，咁就可以排除臉上多餘嘅水份，達到消水腫效果。
Step 1：擠出約一厘米長嘅洗面乳
Step 2：搓至呈現泡泡狀
Step 3：指腹由內向外畫圓依序按摩臉頰、鼻翼、下巴、額頭約1分鐘後，將泡沫沖走。