都市人總係有無數個捱夜理由，由工作忙碌去到沉迷手機，理由多的是。無論係自願定係非自願夜瞓，休息不足都係會導致黑眼圈出現，呢一點無論如何都唔會改變。所以今日就嚟睇下有邊五大食物可以將咁可惡嘅熊貓眼趕走啦！

#檸檬

檸檬中所含有嘅抗氧化元素，例如維他命C、葉酸、食物纖維素都係常有益咖。檸檬仲可以補充人體所需嘅纖維素，促進身體吸收，平衡體內元素。女士們朝早多飲檸檬水，就可以促進血液循環，有利於毒素排出並減低廢物積聚，最重要係可以減少黑眼圈呀。

#海帶

鐵質係構成血紅蛋白嘅重要成分，所以補充適量鐵質有效促使血紅蛋白增加，增強眼底輸送氧分及營養成分嘅能力。由於海帶富含鐵質，所以經常服用海帶，就能夠緩解黑眼圈困擾，令你嘅眼部重現光彩啦。

#綠茶

現代人嘅生活都係離唔開電腦，當中發出嘅輻射會引起黑眼圈。飲用綠茶除咗可以消除熊貓眼，而當中嘅兒茶素仲可以能幫助身體代謝脂肪，亦能夠安定睡眠品質，減低疲勞感覺。有優質睡眠就當然無咁易形成黑眼圈啦！

#紅蘿蔔

紅蘿蔔當中蘊含維生素E及維生素A，佢地除咗對眼球同眼肌具有滋養作用，仲能夠維持上皮組織嘅正常機能，從而改善黑眼圈問題。另外，紅蘿蔔仲有助於增進視力，尤其係夜間嘅視力。趕走黑眼圈之餘仲可以改善視力，真係一舉兩得呀！

#芝麻

芝麻烏髮就人人皆知，但其實呢種食物仲可以為你驅走黑眼圈！芝麻當中嘅維生素E對眼球同眼肌具有滋養作用，可以減慢黑眼圈形成。食多啲芝麻，就可以有一頭動人秀髮，又有一張容光煥發嘅臉龐啦！