身邊總係有一種人，只要肚餓無野食就會好易發脾氣！甚至乎牛津英文字典都加入埋「Hangry」呢個字詞，就證明餓嬲到係真實咁發生緊。其實美國已經有研判發現肚餓的確會令人變得容易發脾氣。
呢個實驗就搵嚟兩組大學生，一組係接受實驗前五小時開始禁食，而另一組就可以正常食飯。然後要一半嘅人記錄低佢地心情，試圖令佢地注意自己目前嘅心理狀態，而另一半就寫唔帶有情緒嘅文章。
然後佢地就會被要求完成一個冗長又悶嘅電腦測驗，而且會係測驗就完之前被強制熄機，之後研究人員仲會怪罪參加者。試圖了解處於飢餓狀況嘅參加者面對負面情況時，情緒會有咩分別。
係檢閱參加者填寫嘅情緒問卷後，發現實驗前無吃飯嘅參加者特別容易嬲。而另一個實驗就請參加者睇正面、中性和負面嘅圖片，從而觀察佢地嘅反應。結果發現處於飢餓嘅參加者，睇到負面圖片時，反應比一般嘅參加者更為強烈！
研究結果還發現單純嘅飢餓係不足以讓人無故生氣。不過當人處於飢餓狀態下，遇見負面嘅事情，會增加壓力，仲會令人更容易將飢餓所帶來嘅不適錯怪係其他事物上，所以先會咁嬲豬 。
Tags: Homita私房話
如果你都想分享你嘅美容、時尚、旅行、運動心得，請將投稿文章連同不多於100字個人簡介同埋近照一張，電郵到： editor@homita.com.hk，文章經小編篩選後更有機會刊登喺我哋FB專頁，一經入選我哋會支付相應稿酬，仲唔快啲來投稿？
Author Information
You May Also Like
