Brooks Brother Red Fleece 2018夏季女裝系列推出多款花卉圖案、珍珠呢、提花織物及刺繡等款式，完美襯托出兩世紀嘅歷史感之餘，亦不失現代時尚風格。今季Red Fleece系列用色清新，以深藍色及粉紅色作為主調，大膽配搭現時流行嘅月見草粉紅、鮮紅及翠綠色，色調鮮明百搭，帶出活潑優雅嘅氣質。

全新系列特意選用輕盈嘅混紡麻棉布料，適合女士們喺炎熱夏天穿搭。為呈現出女性嘅獨特魅力，設計師以金屬圈、刺繡及蕾絲作為袖口及衣領嘅細節點綴，令整個系列充滿迷人嘅女人味。

今季主要造型包括復古深藍碎花蝴蝶結領百褶連身裙、粉紅及深藍珍珠呢背心裙、白色碎花套裝不但可以全套上陣，亦可分開配襯，兩款造型各具特色，同樣散發出女士們嘅優雅品味。另外，碧綠色提花織物百褶連身裙、淺藍色碎花刺繡背心裙、充滿熱帶風情嘅深藍碎花襯衫裙，以及白色一字領襯衫配襯褶邊傘裙，完美勾勒出女性特有嘅迷人韻味。

兩種由Brooks Brothers掀起熱潮嘅輕盈透氣物料，印度馬德拉斯棉布(Madras)及泡泡紗(Seersucker)，貫穿整個Red Fleece 2018夏季女裝系列。藍白雙鈕扣西裝套裝，褲腳以皺褶點綴，細節極具特色。另外，藍白 Seersucker 背心裙、Madras 褶邊袖襯衫裙、Madras 棉質外套及長褲等，成為女士衣櫃裡值得珍藏嘅完美單品。

全新首飾配件等單品易於配搭不同造型，包括百搭嘅Madras 帆布袋、羅馬綁帶涼鞋及藍白橫紋圖案高跟涼鞋等，輕鬆打造出時尚優雅嘅夏日風格。