由SUNRISE製作嘅日本神級動畫作品高智能方程式90年代風靡香港，故事講述配以電腦為導航系統嘅賽車比賽Cyber Formula取代咗F1(一級方程式)成為世界最高水平嘅賽車賽事。

風見隼人(隼人)首次喺2015年賽事亮相，而第13屆賽事第11場即將喺2018年喺香港舉行，令呢個20幾年前嘅預言喺21世紀發生。呢個暑假，HK GP 2018正式落戶香港LCX，印證各位動漫迷及車迷引頸以待嘅傳說成真！

喺7月20日至9月2日期間LCX將變身成Cyber Formula比賽場地，呈獻長達45日嘅「LCX x 高智能方程式HK GP 2018」激鬥。到時，動畫主角隼人同埋布林多加賀(加賀)將會帶同三部1:1愛驅模型來港進行大激鬥，戰車停泊喺LCX嘅唔同角落，令商場高度還原成開跑賽道， 要影相打卡就千祈唔好錯過啦！

全球首度曝光嘅初代雷神 Asurada G.S.X會喺LCX正門展出，方格狀嘅方程式背景格以及飄揚嘅車隊旗都為現場倍添熾熱氣氛。除咗1:1模型，亦陳列咗多款2014 - 2016 年發佈嘅唔同型號熱賣戰車模型，以及12吋Asurada G.S.X.。

同樣係全球首度曝光嘅仲有凰呀 OGRE AN-21，呢部戰車係與隼人亦敵亦友，代表AOI嘅加賀所擁有嘅戰車。今次戰車以Circuit Mode形態喺Superdry及Xplus對出位置展出，唔通呢個形態就係佢嘅致勝戰略？

LCX仲打迼咗一個超像真嘅SUGO Asurada車房「Team SUGO ASURADA Pit Garage」，入面除咗展出全球僅此一部，隼人嘅其中一部愛驅超級雷神Super Asurada 01之外，仲會展出全球唯一嘅隼人頭盔，最新上架嘅熱賣VA Hi-Spec Future GPX Cyber Formula Super Asurada 01，原著創作手稿及經典動漫畫面等，真係好熱血呀！

而預計喺暑假同年底開售嘅限定商品亦將會喺LCX嘅其他展區絕密亮相，部份產品仲會率先全球開賣，等一眾車迷唔單只可以搶先一步欣賞珍品，仲可以快人一步入手心頭好！

另外，高智能方程式官方期間限定店「PIT-STOP」將會同步開催，搜羅一列場內限定獨家商品，包括Namco特別為「LCX x 高智能方程式HK GP 2018」訂製嘅SUGO Asurada賽車手套，SUGO Asurada別注 T恤及 GP 2018香港立文件來等等，仲多有多款獨家珍藏精品及限量模型同步發售，部分LCX場內限定模型仲係優先喺香港開賣咖！

香港獨家精品

SUGO Asurada 賽車手外套(限量發售) $2400

SUGO 賽車手風衣(限量發售)  $1200

高智能方程式HK GP 2018 別注T恤(限量發售) $280

SUGO Asurada別注Polo 恤(限量發售) $350

SUGO風見準人別注T恤(限量發售) $300

SUGO Asurada 別注T恤(限量發售) $300

高智能方程式HK GP 2018 文件夾 $20

SUGO 連帽浴巾 $380

必搶模型產品

VA Hi-SPEC FUTURE GPX CYBER FORMULA SUPER ASURADA 01 模型車(限量發售) $3491

C.F.C. OGRE AN-21 MIRAGE TURN MODE 模型車(限量1000件) $195

12 吋Asurada G.S.X 售價待定

C.F.C SUPER SURDA 01 AERO MODE模型車 $200

部份商品嘅發售日子未定，請留意LCX Facebook 及 Instagram 更新: @LCXHK

除此之外，凡於高智能方程式官方期間限定店「PIT-STOP」購買指定限定商品，更可以港幣$10換購「LCX x 高智能方程式HK GP 2018」購物袋乙個，至於LCX VIP會員喺高智能方程式官方期間限定店購買指定限定商品更可九折優惠，車迷們入手從速呀！