香港書展每年吸引唔同喜好嘅讀者到場，而帶給大家豐富日本文化體驗活動見稱嘅日本館更係必到check-point，日本國家旅遊局（Japan National Tourism Organization，簡稱JNTO）去年設展就吸引咗超過23,000人次到訪，精彩節目及各個別出心裁嘅互動區令大家流連忘返。

今年書展期間（7月18至24日）JNTO將以被稱為「日本後花園」嘅日本東北地區作主題，喺香港會議展覽中心五樓展覽廳5E-C18設置大型Yurutabi體驗館，以互動秋葉牆、東北旅遊圖書館、青森睡魔燈籠展示區及東北小舞台四大體驗區。

區中提供日本東北6縣 ─ 青森、岩手、宮城、秋田、山形及福島嘅旅遊資訊，等大家以自己嘅步調暢遊日本，完美呼應本年「Yurutabi〇〇由我」嘅主題。

現場亦設有東北手工藝教室讓大家親手製作當地嘅手工藝品。喺Yurutabi照相館舉行嘅「Yurutabi親密由我」網上活動仲會送出日本雙人來回機票！

Yurutabi體驗館  感受閒式遊日本的樂趣

Yurutabi體驗館以紅葉為設計主題，以橙紅色作展攤主調。橙紅色象徵秋天嘅紅葉，大自然美景正正是閒式遊日本嘅主題元素之一。「Yurutabi（ゆるたび）」中文口號為「閒式遊日本」，即以「悠閒」、「舒適」嘅方式遊日，以輕鬆嘅步調感受日本，強調喺旅程中得到身心嘅治癒，同時體驗日本文化嘅細緻。

Yurutabi體驗館今年分為四個區域，讓大家感受「閒式遊日本」嘅樂趣：

互動秋葉牆
互動秋葉牆為大家介紹日本東北地區嘅旅遊主題，當中包括地道美食、豐富活動、自然景緻、放鬆心神、親親動物及文化體驗。互動秋葉牆遍佈紅葉，大家只要從心儀嘅主題摘下紅葉，就可以獲取日本東北嘅各種旅遊資訊。紅葉背後更內藏KLOOK優惠碼，計劃「Yurutabi ○ ○由我」嘅東北之旅可即時節省更多！

東北旅遊圖書館
圖書館內放有日本東北地區各式各樣嘅旅遊資訊，包括最新嘅日本東北旅遊書籍，內裡更附有旅遊達人嘅筆記俾大家做參考。另外仲有東北6縣旅遊小冊子可供自由取閱，提供詳盡嘅旅遊資訊及介紹多個主題嘅旅遊路線，大家不妨喺度「打書釘」，計劃屬於自己嘅「Yurutabi ○ ○由我」行程。

青森睡魔燈籠展示區

日本東北地區一向以繽紛絢爛嘅盛夏祭典而聞名，因此特意於場內展示日本東北地區青森縣嘅「睡魔燈籠」板額御前，俾大家近距離觀賞同拍照留念。作為日本東北三大祭之一，青森睡魔祭喺每年8月2日至8月7日舉行，其中主角就是華麗嘅睡魔，他們通常是歌舞伎劇、歷史、神話傳說等內容嘅人物。

板額御前係平安時代末期至鎌倉時代初期嘅女性武將，係日本史上少數嘅女武將之一。由日本古時開始就與巴御前一同成為女豪傑嘅代名詞。

東北小舞台
一眾旅遊達人、旅遊書商以及Yurutabi Girl會於指定時間到場與在場人士交流互動，提供遊日資訊，以及分享自己嘅「閒式遊日本」經驗。另外，日本東北各縣代表仲會喺不同時段，為大家悉心準備豐富嘅表演節目，包括山形花笠舞及劍玉表演等，將現場氣氛推至最高點！

參與東北手工藝教室　了解東北的人文文化
除技藝表演之外，另一邊廂的「東北手工藝教室」會喺7月14及15日設有免費工作坊予大家參與，體驗並認識東北地區引以為傲嘅精湛手工藝，從而了解日本東北嘅人文文化。

參加「Yurutabi親密由我」網上活動贏取ANA日本雙人來回機票

書展期間，訪客可利用手機與摰親好友喺館內嘅「Yurutabi照相館」合照，然後將相片上載至個人Instagram帳戶，於Caption分享希望同佢地去日本東北旅行嘅原因，Hashtag 「#Yurutabi親密由我」及讚好「Visit Japan HK」的Facebook專頁，即有機會贏得ANA日本雙人來回機票，或由KLOOK贊助之雙人JR東日本東北地區鐵路周遊券（JR EAST PASS -Tohoku area）一套。

讚好Facebook專頁並完成問卷　獲取極具日本特色小禮物

在書展期間到日本國家旅遊局攤位（5E-C18），完成問卷或讚好「Visit Japan HK」Facebook專頁，就可以分別得到極具日本特色的小禮物包括夏日涼扇及日本傳統小玩意。數量有限，送完即止。

第29屆香港書展  - 日本國家旅遊局 (JNTO) Yurutabi日本東北體驗館
日期及時間： 2018年7月18-23日（星期三至一 ）     上午10時至晚上8時
                            2018年7月24日（星期二）                     上午9時至下午5時
體驗區內容：互動秋葉牆，東北旅遊圖書館，青森睡魔燈籠展示區，東北小舞台
地址: 香港會議展覽中心 五樓展覽廳 5E-C18攤位