去日本著和服、去韓國著韓服，咁香港又有咩特式服裝呢？無錯，就係旗袍啦！旗袍係華人女仔嘅傳統服裝，平時我地好少體驗到著旗袍嘅機會，今次暑假一於去黃大仙玩返轉，著試旗服扮下民初少女啦～

今次就帶大家去到領展大型旗艦商場黃大仙中心，鄰近香港其中最具代表性嘅旅遊熱點嗇色園黃大仙祠，最重要係地鐵站出口可以直達商場，夏天熱辣辣都唔洗怕！

好多時候我地去得黃大仙祠，都係希望能夠將祝福帶回家送給重要嘅人，商場於2018年7月9日至2019年1月8日特別舉行「祝福‧結緣」推廣活動，在黃大仙中心以即日電子貨幣消費滿港幣1,000元或以上，即可享4小時免費體驗及附送相片兩張。於7月底開始，顧客更可將隨身的大件物品免費暫存至自助服務中心，方便在商場購物及區內到處遊訪。

北館特設富有現代感佈置嘅祝福閣，仲同本地旗袍體驗店「貳拾年華」合作，設計師Pandora以50-60年代嘅旗袍為設計靈感，將花布圖案變成時尚又受年輕一代歡迎嘅旗袍款式，俾各位​男女同小朋友租借，體驗民初時代嘅時尚服飾。

有得著旗袍都唔夠，仲可係場內嘅結緣橋祈福同影相打卡，店內更擺放多件40-50年代的特色物品可供大家拍照留念，又或者走訪黃大仙祠同區內唔同地方拍照留念，絕對可以體驗不一樣嘅香港特色，留下美好回憶！

商場為「祝福‧結緣」推廣活動特別邀請曾與多家國際品牌合作，包括瑞士鐘表品牌Omega、德國純銀品牌Thomas Sabo等等嘅藝術家Zoe Siu設計出5款代表不同祝願嘅手製如意結，包括充滿財富嘅黃色、寓意健康嘅紅色、代表平安嘅綠色、象徵事業嘅紫色以及憧憬戀情開花结果嘅粉紅色。為集齊一套中西合璧嘅手製如意結，只需於黃大仙中心以即日電子貨幣消費滿港幣1,500元或以上即可換領乙個。現場仲設有個人化皮革刻名服務，打造一個專屬嘅「祝福如意結」！