HomeSquare作為全港最大一站式家居主題商場，每一年舉辦嘅「香港家居折」都大受歡迎。今次終於黎到第9屆，仲同超過90間商戶合作，推出接近58,000件揉合創新科技同極致美學嘅「智」慳家具同家品，部份貨品仲低至$1、$100同1折開售，各位小資女真係要準備好彈藥將佢地搶購返嚟！

淨係睇家俬梗係好悶啦！要留意邊啲家品抵買之外，係商場中庭特設嘅「Smart Hom體驗區」除左可以俾你感受家居自動化嘅智慧組合，體驗未來嘅生活模式之外，仲有啲產品係靚到想同佢自拍一張！

小編最喜歡就係呢個位於體驗區嘅吊燈，你以為佢平平無奇咁就錯啦！因為佢係可以打開或者收埋架！一盞燈有兩種設計，兩種屬於截然不同嘅風格同感受～收埋嘅時候好低調，打開嘅時候高貴又有藝術感，真係好想買返屋企。

而另一個就係直家家居智能燈具，燈泡嘅顏色、色溫、冷暖都可以隨意調較架！無論係充滿少女心嘅粉色系列，抑或冷色調應有盡有！

體驗區仲提供咗幾款臥室佈置靈感俾大家添，有女仔專屬嘅粉紅色房間，又有適合男仔嘅中性臥室設計，仲有客廳嘅設計靈感～你想點佈置全部你話事！

睇完咁靚嘅家品，係咪好有衝動買曬返嚟？今年HomeSquare App仲首設 Smart Buy 智能電話購物功能，買「智」識買嘅你地帶嚟購物新選擇。App內特設 AR 擴增實境功能，掃一掃鞐可以即時知道產品線上同線下詳盡優惠資訊。HomeSquare App 內嘅Smart Buy購物功能仲連繫 Boxful 寶易存專業上門迷你倉服務添～真係超貼心！