夏日來臨，氣温越嚟越高。為咗令大家降降温，GOGYO五行就為大家呈獻「至Cool」嘅海鮮盛宴！今次嘅餐目相當豪華，當中包括拉麵愛好者絕對唔可以錯過嘅濃厚龍蝦沾麵，一系列精緻海鮮料理，夏日限定冰爽飲品同驚喜十足嘅甜品，包你食到回味無窮呀！

GOGYO五行濃厚龍蝦沾麵

呢款沾麵採用「多加水粗麵」，佢係特別採用香氣濃郁嘅海老粉調製而成。另外，餐點附上以豚骨湯同大量海老精華烹調而成嘅濃厚湯底，將麵條沾入湯底再食用係完美嘅享受呀。

湯底除咗有以慢火細煮嘅龍蝦尾之外，仲加入櫻花蝦丸同海老肉味噌做襯托，咁奢華嘅海鮮滋味真係不容錯過呀！濃郁湯底，龍蝦嘅鮮味同清新嘅拉麵完美融合，配上經醃製嘅紅椰菜同清新嘅水菜令鮮甜味道更為突出。

大家不妨將享用沾麵後嘅醬汁淋喺香氣獨特嘅芫荽飯上，製成「意式海老飯」，將海老嘅滋味發揮到最盡！

自慢の鮮魚！夏・極上刺身塔

呢個三層刺身塔集合各式海鮮滋味於一身，絕對係視覺同味覺嘅雙重盛宴。塔上分別載有赤海蝦，油甘魚，三文魚，吞拿魚腩，黑飛魚子，真鯛，帆立，海膽和三文魚籽。多種珍貴美味嘅刺身一次為你呈上，完全係食家嘅夢想呀！

炙燒特上拖羅

特上拖羅係吞拿魚最珍貴嘅部分，入口即融嘅口感真係令人無法抵擋。今次用咗炙燒技術帶出拖羅嘅油脂香氣，炙燒拖羅同卷內嘅刺身配合得天衣無縫，令你一次可以品嚐到兩種獨特口感。而上面嘅三文魚籽同濃厚海帶醬汁更係令餐點嘅味道得以昇華。

冷製海膽布丁

呢個海膽布丁係以豐富嘅海膽製成，將濃滑鮮甜嘅海膽混入布丁漿中，再喺布丁冷卻後喺面層加上海膽，配以黑飛魚籽襯托。布丁食落非常清涼，而且食落啖啖都係海膽特有嘅鮮味，真係令人好滿足呀。

龍捲白海老三葉天婦羅

呢個酥脆天婦羅係以爽口嘅白海老同香草炸香而成。喺品嚐呢款經典小食嘅時候呷一口冰凍啤酒，一定會令佢嘅味道錦上添花。

芳醇威士忌Affogato

品嚐呢道甜品嘅時候，可以先將咖啡豆浸喺日本威士忌入面，呷一口威士忌，就會令味蕾充滿咖啡香。再將一匙冰凍絲滑嘅雪糕加入清涼嘅威士忌當中，就可以令雪糕嘅柔滑口感同香威士忌融合，帶嚟清爽口感。

冰鎮果物特飲系列係日本盛行嘅飲品，先將新鮮水果放到冰櫃冷卻成冰，再切開放到飲品之中，就可以為大家送上最冰涼透心嘅冰凍飲料啦。

Sub-zero Fresh Grapefruit Highball
帶有微酸嘅冰鎮西柚配上日本威士忌可以刺激你嘅食慾，為呢個夏天注入無限嘅活力！

Sub-zero Fresh Pineapple Oolong Tea
冰鎮嘅熱帶水果將淡雅嘅烏龍茶變成夏日最注目嘅特飲，清新嘅菠蘿為你帶嚟如同異國嘅悠閒時光。

GOGYO五行為我地帶嚟咁多精彩嘅夏日料理，識食嘅你一定要去品嚐一下咁多款滋味，為夏日添上清新感覺呀！