男人嘅浪漫除咗豆腐火腩飯同打機之外，原來佢地對以下嘅單品或者打扮都情有獨鐘！作為女仔，可能真係唔明到底有乜咁吸引佢地，不過姊妹們知道下都無妨，仲可以偶爾比男朋友一個小驚喜添！唔知你地嘅男朋友又鐘唔鐘意女仔咁打扮呢～
#棒球帽
其實早前都好流行運動風，女仔一戴棒球帽就好似會出現「奇蹟」咁，棒球帽所產生出嘅休閒感同運動感，都會令男仔望多兩眼，仲會吸引到佢地嘅好奇心添～而且女仔戴棒球帽型得嚟又有種小甜美既感覺。
#運動服
其實好多男性都鐘意女仔著運動服，會令到佢地覺得好親切、平易近人，而且仲會覺得可以同你討論有關運動嘅話題！
#馬尾
有睇過那些年嘅知道，女仔綁馬尾係好吸引男性眼球！仲有網友曾經講過紮得高嘅馬尾最正，可以見到男性對馬尾都係有種情意結～
#「男朋友嘅…」
近年好興嘅Boyfriend Style，可能就係其中一種！幾時都話，女仔最性感並唔係唔著衫嘅時候，反而係一朝早醒黎著住男朋友件上衣嘅時候，雖然size唔岩又寬大，但恰恰係咁令身體嘅線條在若隱若現中展現最迷人嘅魅力～
Tags: Homita私房話
如果你都想分享你嘅美容、時尚、旅行、運動心得，請將投稿文章連同不多於100字個人簡介同埋近照一張，電郵到： editor@homita.com.hk，文章經小編篩選後更有機會刊登喺我哋FB專頁，一經入選我哋會支付相應稿酬，仲唔快啲來投稿？
Author Information
You May Also Like
