世界盃就嚟拉開序幕啦，唔少人都會約三五知己自組家中睇波美食團。一田超市（全線）就會喺2018年6月14至7月2日舉行「暢飲狂熱GOAL~ CHEERS!」仲夏飲品節，等你可以盡興暢飲，熱烈參與足球盛事。

同三五知己激情暢飲，絕對係波友嘅浪漫。一田引入超過50款日本直送最新消暑酒類新品，特別介紹新引入使用長野縣淺間名水釀造嘅輕井澤精釀啤酒，入口充滿濃郁圓潤嘅麥芽香。

 
而佔據2018年日本亞馬遜酒類銷售排行No.1嘅Asahi，就喺本年3月推出回甘味及冰涼感更強嘅「進階版」Super Dry瞬冷辛口啤酒，更甘醇爽暢快！

 
另外仲有喺2017年世界釀酒大賽入面獲得金賞殊榮嘅Asahi優質豐釀啤酒，不論係喉感或者香氣深度都可以帶嚟最頂級嘅享受。更多大熱日本啤酒品牌例如無糖及酒精度達7%嘅Suntory頂極上啤酒、高檔經典惠比壽特優黑啤同北海道製造Sapporo金裝麥啤等都係麥味濃度高嘅必買之選，同你一齊喺深宵「喝」彩足球盛事！

享受足球當然唔係男生嘅專利啦！一系列期間限定日本果酒好適合女士飲咖，例如精選新登場嘅Asahi特選鮮榨果汁酒。佢係使用1/2顆或以上果實嘅果汁調製成果汁酒，酒精低之餘，仲帶有香氣醇厚嘅新鮮果汁感。

另外仲有Suntory果味碳酸飲，期間限定嘅豐潤和梨及地中海香橙等口味，不含酒精，味道同甘醇嘅微酒香帶相似，咁就可以盡情暢飲唔怕醉啦。

 
閨蜜們仲可以選擇high tea睇波，伊藤園清新新茶/冷壓泡茶以冷泡技術萃取2018年初新採茶葉，茶不苦不澀，能夠突出茶葉嘅天然甘醇香氣，仲有有效抑制脂肪吸收嘅兒島素茶、最新kangome無添加果汁/果昔及韓國大熱有汽果醋飲，一齊打「汽」撐愛隊！

「通頂」睇波就當然要喺中場休息為漫漫長夜提神啦！首推俄羅斯世界盃紀念版可口可樂，有原味、零糖零卡路里、零糖零咖啡因三款可供選擇，樽身仲印咗國家隊圖案，等球迷可以為愛隊打氣。

 
另外仲有動漫迷必儲，印有近50款經典日本漫畫角色圖案嘅Georgia x 《週刊少年JUMP》咖啡系列，集齊《足球小將》、《龍珠》、《聖闘士星矢》等卡通人物陪你睇波！此外，創新Asahi 咖啡x拿鐵混合烤茶、添加微量果蔬精華嘅Toreta!低納低熱量微補給飲等提神飲都會齊集一田幫你充電！
 

當然唔少得宵夜速食啦，一田大推新登場日本本地名將湖池屋天婦羅茶鹽味薯片、即食海鮮佐酒罐頭，另外仲有一田獨家發售越南18Nuts芥辣腰果、英國特產Tyrells及比利時True Spirit等新口味薯片，通頂睇波都唔怕肚餓啦！
 

除咗日常以熱水沖泡，茶都可以變身成各種茶調飲。英國百年名茶品牌Twinings喺一田超市(觀塘店) 開設嘅Pop-up Tea Bar，推出六款清新果茶Mocktail，抹去醉人酒氣，以新鮮水果調出川寧頂級花茶，既消暑又解渴。

 
此外，本地薑品牌「大杯茶」亦期間限定進駐一田超市（葵芳店），並帶來健康飲品新星「發酵茶」。呢款茶主打新鮮手造、無人工添加，當中富含益生菌能促進腸道健康，酸甜醒胃。
 
有咁多款飲品小食可以揀，相信總有一款會啱你地心水。呢個夏日就去一田掃貨睇世界盃啦！