天氣咁熱,基本上無人可以逃得過雪糕嘅誘惑。相信喺夏日當中大家關注嘅其中一件事就係會有啲咩新口味雪糕推出啦。瑞士尊貴品牌MÖVENPICK®雪糕今次為我地帶嚟全新口味薄荷朱古力以及芒果忌廉雪糕,仲有雪糕奶昔俾你選擇,等你解暑降溫之餘,仲可以滿足埋味蕾!
位於觀塘APM一田超市內嘅MÖVENPICK® 雪榚今次喺專門店引入最新口味 – 薄荷朱古力(Mint Chocolate),佢採用咗天然薄荷,並選用來自委內瑞拉嘅可可製成朱古力薄脆片,味道天然細膩。
優質軟滑雪糕混和淡淡自然嘅清新薄荷香氣,再加上層次豐富嘅朱古力薄脆,令雪糕味道濃郁但又不失清新,並且將經典嘅口味提升到極緻,呢款雪糕真係不得不試呀。
另一款全新口味 – 芒果忌廉(Mango & Cream)同樣不容錯過,佢採用有「芒果之王」美譽嘅阿芳素芒果,以及由瑞士傳承多年牛奶加工技藝製成嘅牛奶。鮮甜帶清新果香嘅芒果味道同奶味濃郁嘅瑞士牛奶營造出雙重口感,兩種口味更完美糅合,令人一試難忘!
專門店仲有供應限定版薄荷朱古力同芒果忌廉雪糕奶昔。奶昔由三球雪糕及純牛奶製作,而且每杯都係現場即點即製,過程並無添加其他人工調味劑或糖漿,味道天然,而且口感特別濃郁醇厚。呢兩款奶昔都不容錯過呀!
兩款雪糕口味及雪糕奶昔會喺6月16日於MÖVENPICK®雪糕專門店正式登場。到時你就可以盡情享受星級酒店尊有嘅十八種雪糕口味,當中包括全新口味薄荷朱古力同芒果忌廉雪糕。喺炎炎夏日中嚐一口冰涼,絕對係會令人感到幸福嘅一大樂事。大家記住要喺今個夏日去一嚐好滋味呀。
MÖVENPICK® 雪糕官方專門店
地址:觀塘觀塘道418號創紀之城5期APM, LG層(一田超市內)
雪糕原價:單球$45,雙球$69,三重奇幻杯$89
雪糕奶昔原價:$69/杯