綠色生活一向都係我地追求同推崇嘅理念，但到真係想實行嘅時候大家會唔會有啲無從入手嘅感覺呢？或者實行緊嘅你未認識到一班志同道嘅人去結伴走呢條漫長嘅路呢？ 係咁嘅話Lush 嵐舒聯同 13 個本地慈善組織係5 月 12 至 13 日於中環元創方舉辦嘅綠色慈善活動－Lush Live Central 2018就相當啱你啦。

發聲講台 

係呢度大家可以聽到不同團體同一眾運動倡導者針對唔同議題嘅多角度意見。立法會議員毛孟靜小姐 、NPV 非牟利獸醫服務協會 Mark Mak、法政匯思嘅陳俊燊先生、聯同動物地球嘅 David Wong 會討論香港動物保護法議程。性小眾議題方面，茜利妹、女角平權協作會，仲有大同將會分享擔任彩虹天嘅經歷同爭取性小眾人士平權嘅故事。當然就唔少得零廢生活嘅講題啦，今次邀請咗正進行零廢生活挑戰嘅 Hannah Chung做分享。

人權探索區 

Resolve、香港尋求庇護者及難民協會、大同和女角平權協作組會分別探討本地難民、少數族裔同性小眾人士係香港面對嘅困難同外界嘅誤解，希望可以宣揚大愛同支持性取向平等。

環境保護探索區 

土沉香生態及文化保育協會、Eco Marine、香港護鯊會同 Bloom Association Hong Kong會探討主要環繞環境保護議題，包括：如何保護本地瀕臨絕種的土沉香樹、 海洋廢膠問題同食用魚翅為環境所帶來的嘅影響。透過交流，我地就可以知道點樣為環保出一分力啦。

動物權益探索區 

非牟利獸醫服務協會、厭棄皮草公民、香港海豚保育學會、豚聚一家和香港素食會會探討動物權益，透過與他們交流，參加者了解更多有關圈養海豚嘅弊處、 買賣動物同繁殖場所帶嚟嘅影響、皮草有幾殘酷、以及點樣展開素食生活等。 

手製工作坊 

參加者可以用 Lush 嵐舒的黑膠杯種植小盆栽，從中了解產品製作團隊點樣處理日常廚餘。參加者會親手製作獨一無二嘅 Lush 嵐舒新鮮零包裝產品。環保團體仲會教授參加者將廢物再造成各式各樣植物、家品或飾物。工作坊嘅收益將不扣除成本，全數撥捐至參與活動嘅慈善團體，希望支持「可持續發展」生活。

純素咖啡座

純素生活係一股新趨勢，所以活動中會推出純素食品，例如 Habitu嘅純素雪糕同飲品，仲有SO COCO 嘅可口椰子甜品和芒果冰條。此外，Urban Spring 當日會為場內人士提供免費飲用水，從而鼓勵參加者使用水樽盛水樽，取替即棄膠樽。

慈善義賣 

即日起係中環港鐵站分店、Soho Square 分店同Lush 嵐舒網站購買 Lush 嵐舒限量慈善版產品，收益會不扣除成本，全數撥捐俾活動團體去支持佢地嘅日常工作。呢項活動真係好有意義。

今次活動唔單只可以討論不同議題，仲可以身體力行咁支持綠色生活。無論係準備開始定係進行緊綠色生活嘅你都要嚟參與呢項令人獲益良多嘅活動呀。