相信咁多位姊妹們係上一個冬天都食咗好嘢（包括小編都係，肥左幾kg！）雖然滿足咗個胃，但都係要還債架。減肥除咗有更窈窕嘅體態，都可以令身體更健康呢！但小編都知真係落手落腳去做運動好攰，所以小編已經為各位姊妹搜查咗4個輕鬆減肥方法喇。由日常生活小細節做起，即刻行動啦！

①必定要食早餐

「我唔會空肚食早餐」相信好多人都聽過天王黎明嘅金句，但食早餐真係好重要！營養師建議起身之後1-2小時內就要食早餐，小編明白每日都要趕住返工，唯有返到公司先吃早餐。一般情況係無問題，但如果過程中，例如搭車期間已經有肚餓感，甚至肚仔打鼓，其實需要先食一啲食物，再食早餐。　

早餐唔止係整日活力嘅來源，同時仲可以避免下午及夜晚攝取過多熱量。而且長期唔食早餐，不單止減慢人體新陳代謝，亦會較容易囤積脂肪。所以減肥第一步，食早餐！

②食飯七成飽

最年愈來愈多科學研究發現，每餐只食七成飽可以養生，減肥兼防病！雖然美食當前，但都唔好放縰自己食到勁飽。唔單止會傷身，隨時會涉入過多熱量、高脂肪嘅食物，體內就會不斷累積多餘嘅脂質，而造成肥胖。所以建議各位姊妹們食飯食七分飽就足夠。

③檸檬水減重法

檸檬水除咗可以美白之外，原來仲可以減肥。只需每一日以檸檬浸泡而成嘅檸檬水取代白開水就可以！十分方便，而且姊妹們仲可以帶返工飲，一邊做嘢，一邊減肥兼美白。

檸檬水含有可溶性膳食纖維，有豐富嘅果膠，可以提供飽足感，防止過量進食，仲有利尿作用，多檸檬水會有助體內排毒，令肌膚變得明亮潤澤。早上起床後先飲一杯暖檸檬水，排毒效果會更好。　

④拒絕人工代糖

代糖唔係糖，食咗都唔會肥？代糖雖然唔係糖，不含熱量，但長期食用依然會有肥胖嘅風險，千萬唔可以輕視。哥倫比亞大學營養教育博士白小良係新書入面強調，人體攝取太多代糖，只係暫時瞞騙自己嘅味蕾，但對大腦並無飽足感，一旦甜味成癮，反而會食更多唔健康食物以滿足需求，攝入額外熱量，導致越食越胖。如果想食甜野，不仿用水果等等有甜味既天然食物代替！