俗話講得好，「一白遮三醜」，所以女仔們都一直追求着白皙肌膚。但炎炎夏日，出面個大太陽真係好曬呀，相信唔少姊妹們都日日狂搽防曬，務求唔俾自己曬黑。但除左防曬要做足，都要係美白下功夫先可以保持又白又滑既肌膚架。以下嘅美白tips快啲記底啦！

①補充足夠水份

當肌膚缺失水份既時候會變得非常粗糙，毫無光澤。所以第一步就要肌膚補充大量嘅水份，當角質層充滿水份既時候，就可以反射更多光線令肌底嘅黑色素和黯沉變得唔明顯。除左每個星期敷1-2次深層補水面膜之外，仲可以多食草莓，因為草莓可以去除身體毒素，改善皮膚暗黃嘅情況。

②使用含有美白成份既化妝水

每日係晚間護理嘅時候使用含有美白成份既化妝水可以幫助減少黑色素生長，而且使用時一定要用化妝棉按照毛孔嘅生長方向抹，先可以令肌膚迅速咁吸收美白營養。長期使用保濕美白產品亦可以提早肌膚既含水量，美白同時又可以補充水份，簡直係一舉兩得呀！記得選用性質較溫和嘅成分，例如維他命C 同植物性美白成分。

③去除老化角質

長時間唔去除臉上老化左既角質，會容易令肌膚變得非常黯沉，失去光澤，嚴重更加會堵塞毛肌，引致其他肌膚問題。所以想皮膚快速變白既第一步就係去除角質，但切記去角質唔可以太頻密，每星期一次就足夠！如果太頻繁就會令肌膚變薄同容易變得敏感。

④晚上才用美白產品

最適合使用美白產品嘅時間係夜晚，因為晚上係肌膚修復嘅黃金時間，令肌膚可以專注更有效咁吸收美白產品。除此之外，有部份嘅美白產品例如熊果素等等都係屬於感光性，如果朝早使用感光性嘅美白產品反而會更易曬黑架！