5月13號就係母親節，為咗慰勞為子女付出一整年嘅媽媽們，由5月1號起一連12日我地都會同大家分享各種甜甜的美食，等大家可以同媽媽過一個最美好、最甜蜜嘅甘い媽媽日❤
唔知你地媽咪鍾唔鍾意食日本菜呢？太古城嘅北海井最新手推出吞拿魚全宴，大家可以食到各種唔同手法料理嘅吞拿魚，包括：吞拿魚沙律、韓風醬吞拿魚漬、燒魚鮫、4色吞拿魚飯（大吞拿魚腩、中吞拿魚腩、赤身吞拿魚、香蔥吞拿魚）同吞拿魚味增湯，令人大快朵頤！
4色吞拿魚飯真係超好食，吞拿魚入口即溶，醋飯嘅調味濃淡適中，4種吞拿魚各有特色，卻又互相輝映，不消幾分鐘就食曬啦！
韓風醬吞拿魚漬、燒魚鮫
吞拿魚沙律、吞拿魚味增湯
食完吞拿魚之後就梗係唔少得甜品，要同媽咪過甜蜜蜜嘅母親節，呢款北海道牛乳芝士蛋糕就唔好過啦！北海道牛奶嘅味道非常香濃，一試便愛上。
如果想食日式甜品，呢度都有蕨餅伴糖漬栗子，仲伴以大大粒嘅紅豆，傳統嘅日本甜品定會深得上一輩人嘅青睞！
電話： 2577 0828
Tags: Homita為食家
如果你都想分享你嘅美容、時尚、旅行、運動心得，請將投稿文章連同不多於100字個人簡介同埋近照一張，電郵到： editor@homita.com.hk，文章經小編篩選後更有機會刊登喺我哋FB專頁，一經入選我哋會支付相應稿酬，仲唔快啲來投稿？
Author Information
You May Also Like
