5月13號就係母親節，為咗慰勞為子女付出一整年嘅媽媽們，由5月1號起一連12日我地都會同大家分享各種甜甜的美食，等大家可以同媽媽過一個最美好、最甜蜜嘅甘い媽媽日❤

今次我地黎到九龍城，呢度其實出曬名係一個美食天堂，而我地就想同大家介紹呢間小編覺得全香港最好食之一嘅鬆餅店Layer's Cafe & Pancake。呢度嘅厚班戟非常鬆軟，好似食雲咁樣，軟軟嘅厚班戟入口即化，牛油同牛奶嘅味道即時散開，簡直係神級滋味啊！
 

季節限定芒果班戟

5月踏入初夏，店主都以節季食材呂宋芒推出芒果班戟，新鮮嘅芒果肉同芒果醬汁同甜甜嘅厚班戟好夾，食唔停口！

朱古力焦糖香蕉核桃班戟
如果你係朝早黎，不妨以朱古力焦糖香蕉核桃班戟作為一天嘅開始，香蕉同朱古力本身就係喚醒身體嘅好食物，核桃對熟齡人士亦都非常好嘅食物，同媽媽去食早餐叫呢個就無錯啦！

法式吐司（每日限量30份）
如果你係下午先黎，就一定要叫呢個法式吐司，呢個法式吐司真係超邪惡，即叫即煎，吸滿牛油香味嘅吐司淋上滿滿嘅蜜糖，實在太邪惡、太好食啦！
 

母親節唔一定要送花嘅，不如就點一杯玫瑰Latte比媽媽，以濃濃嘅玫瑰味去感謝媽媽一整年對自己嘅愛同付出，相信媽媽一定喝在口中，甜在心裡呢！

Layer's Cafe & Pancake
地址： 九龍城福佬村道福佬村道19-25號
電話： 2791 0633