今個夏天，Calzedonia返到去發源地意大利維羅納，係奢華嘅時裝表演中推出全新泳裝系列。充滿活力嘅泳裝系列加添咗唔少趣味同性感元素。除咗國際級嘅陣容，今次仲請到一眾黎自香港嘅著名嘉賓，包括歌手兼演員連詩雅、時尚達人及企業家Cecilia Ngan同網絡紅人Tina Wong等，一齊欣賞品牌全新泳裝系列。

多位國際名模親身演繹系列中別具特色之設計概念，當中包括荷葉邊、胸衣、高腰比基尼及充滿法國氣息嘅單肩款色。顏色方面主要以紅、白、藍及精緻花卉圖案，為系列添加女性元素。

Calzedonia於1986年意大利維羅納成立，置力於打造襪子和絲襪業嘅新趨勢，集時尚、高品質同合理價錢於一身。今次Calzedonia展出品牌首個特別版泳裝系列，包括5件比基尼和3件連身泳衣。此系列將於網上和指定商店有售。

Calzedonia走貼今季最流行的時尚趨勢，七彩繽紛嘅花卉圖案加上充滿異國情調嘅動物印花，完美地打造出極致加勒比夏日風情。

Calzedonia首次於泳裝系列上使用天鵝絨。整個系列既時尚又充滿玩味，適合不同搭配。

舊年暢銷款色捲土重來，以多種款式和褶邊裁剪嘅淨色泳衣重新登場。

呢場富有魅力嘅時裝表演以獨家after-party作為結束，一眾嘉賓於派對上載歌載舞，沉醉在夏日時尚氣氛之中。