今次窮人食家去到長沙灣搵食,一出元洲邨過馬路就見到一間好多人嘅小食店,叫小食堡,小編梗係過去湊下熱鬧,睇下有咩好食啦!今次一樣都係係度買咗50蚊野食,但就史無前例咁飽啊!真心街坊人情價,仲好好食添!
炸魚蛋 $14、炸雲吞 $14
炸物係即叫即炸嘅,魚蛋係手打魚蛋,好大粒,不過對小編呢D唔食魚嘅人黎講魚味好重,但如果鐘意食魚嘅朋友就啱晒啦!炸雲吞都係魚肉餡,不過相對魚味無咁重,個皮炸得好香脆,夾埋入面嘅魚蛋餡口感好豐富,小編見佢當日都包緊雲吞,真係粒粒足料架!
大碗仔翅 $15
碗仔翅比較厚身,同埋入面有蟹柳,唔算好出色,但15蚊咁大碗真係好抵食,一碗抵一餐啦可以!
大菜糕 $7
好少可見賣炸物嘅鋪頭有賣大菜糕,叔叔加咗好多花奶比我,食完炸物之後食冰冰涼涼嘅大菜糕真係好正,大菜糕唔會好甜,加埋啲花奶一齊食啱啱好!小編強烈建議大家炸雲吞配大菜糕,勁掂啊!
當日見到小鋪由一男一女經營,應該係小本生意,落手落腳親力親為,可能因為咁先可以提供大件夾抵食嘅食物比大家,2個人做到踢晒腳真係唔簡單啊!下次再去開長沙灣一定會再支持吓!今次我地2個就食飽飽啦,你地又有咩小食推薦呢?話比小編知,等我又去試吓!
Tags: Homita為食家
如果你都想分享你嘅美容、時尚、旅行、運動心得,請將投稿文章連同不多於100字個人簡介同埋近照一張,電郵到: editor@homita.com.hk,文章經小編篩選後更有機會刊登喺我哋FB專頁,一經入選我哋會支付相應稿酬,仲唔快啲來投稿?
Author Information
You May Also Like
This Week's Top Post
「舌尖上的懷舊粵菜」 去《萬慶軒》一同細味當年
Y小編 - 5 years ago
arome東海堂「九州網紋蜜瓜」蛋糕 初夏清新登場
chiken - 5 years ago
窮人食家遊深圳 足料紅荔村腸粉
Y小編 - 6 years ago
7月25日是日式刨冰の日!妳知道日式刨冰、韓式刨冰跟台式刨冰的分別在哪嗎?
Angela - 5 years ago
擁抱初春滋味! 全新日本「蜜」富士蘋果.白桃蛋糕系列
Coco - 5 years ago
十字牌薑味、香蕉味Gelato全新登場 讓你冬日暖在心~
Little Peach - 4 years ago