荷里活著名動作片大導演雷尼哈林 (Renny Harlin)操刀執導，多料影帝張家輝與任賢齊在戲中由頭鬥到尾，鬥智鬥力，動作連場，於殮房內進行一場腥風血雨的亡命激鬥。 電影由張家輝、任賢齊、內地女星楊紫三人領銜主演，另有其他演員包括香港演員陳家樂、歐陽靖、吳卓羲、韓國女星克拉拉、及內地演員馮嘉怡、馬書良等人參演。

家輝表示今次要飾演一位心細如塵嘅法醫，係拍攝過程當中，令佢對法醫呢個職業有更深嘅暸解。而小齊今次嘅角色非常具有神秘色彩，令人十分好奇之餘，佢亦表示現階段唔可以係度透露太多，大家睇睇預告片感受一下電影氣氛啦。

導演雷尼哈林曾執導《虎膽龍威2》，以及一連串動作及驚慄大片如《猛鬼街4》、《絕嶺雄風》、《特工狂花》、《大力戰神》以及《絕地逃亡》等等高質電影，當中《虎膽龍威2》更成為一時佳話。是次電影將荷里活最強動作導演與香港影壇黃金陣容強勢結合起來，令電影呈現出大片氣勢以及荷里活的高質製作之餘，亦有相當富實感的港式埋身動作連場，絕對係值得大家期待嘅一部最刺激犯罪動作大片。

電影講述一名男法醫陳嘉豪(張家輝 飾)和女實習法醫喬琳(楊紫 飾)係某夜突然被來歷不明嘅劫匪突襲， SANTA(任賢齊 飾)呢位神秘犯罪頭目，帶領著Rudolph (馮嘉怡 飾) 及 Elf (陳家樂 飾) 三人齊齊突襲殮房，目的唔係想劫財，而係要劫屍？！殮房突變戰場，將所有人逼入絕境。電影預計今年8月暑假上映。

當陷入利益與陰謀交織嘅險境，身為法醫，應該點去抉擇？張家輝、楊紫變身職業法醫，同悍匪任賢齊上演一場生死與真相嘅博弈。 2018年8月最刺激的犯罪動作大片，「遊戲，依家先開始。」