狗年來臨在即,APM特別請到英國著名動畫《超級無敵掌門狗》主角阿高 隆重呈獻「超級無敵掌門狗迎新春」,打造6000呎超級無敵獎門狗「阿高」新年佈置,比大家暢遊五大福氣潮點,包括「阿高賀年大宅」、「12呎巨型「阿高」機動招財狗」、「星級「阿高」藝術廊」、「浪漫桃花園」及「Magic Mirror專屬揮春DIY」,12呎巨型阿高機動招財狗仲要係全球最高架!
今次《超級無敵掌門狗》主角阿高 (Gromit) 孖住好拍檔華萊士(Wallace)齊齊出現,同大家拜年,祝願狗年萬事如意,好運齊來。場內仲有由名人紅星同世界各地設計大師為「阿高」設計嘅五款全新超凡新穎造型,向市民拜年。係度既可觀賞潮流藝術,又可參與祈福許願,祝願狗年祥旺,好運齊來,好吸引啊!
「阿高」賀年大宅
為迎接新一年,《超級無敵掌門狗》主角阿高同及華萊士為佢地嘅大宅粉飾一番,成個客廳佈滿新春裝飾,包括大吉大利賀年燈飾、貴氣紅色梳化同賀年揮春等迎接賓客到訪及慶賀新歲。
12呎巨型「阿高」機動招財狗
全球最高12呎巨型金色阿高機動招財狗,祝願大家財源滾滾、事事順利,右手仲好似招財貓咁上下搖擺,象徵招來四方財運。大家可沾沾招財獎門狗旺氣,將好兆頭帶回家。
星級「阿高」藝術廊
名人紅星同世界各地嘅殿堂級設計大師打造嘅5隻阿高藝術雕塑,設計師包括星級名模周汶錡、星級潮媽鍾嘉欣、影視紅星苟芸慧、法國潮流插畫家Marie Desbons、澳大利亞插畫藝術家Shanti Sparrow,以各具特色的喜慶潮Look為《超級無敵掌門狗》的主角阿高設計全新超凡新穎造型,列陣同大家拜年。
浪漫桃花園
場內盛放著貴氣桃紅同粉紅色嘅桃花,色彩艷麗,營造一個浪漫嘅新春桃花園,同中庭一棵桃花王中王互相輝映,祝願各位狗年行個桃花運,人人春風得意、蜜運成功。
Magic Mirror專屬揮春DIY
場內設有Magic Mirror專屬揮春DIY, 可自製獨一無二的專屬揮春,自選喜愛的賀年潮語及12生肖圖案,並透過社交平台即時傳送給好友分享,仲可以即刻Print出黎添!
2月15號夜晚10點開始仲會舉行「apm潮狗祥旺年三十倒數夜」,大堂將有多項精采表演,與大家通宵倒數迎新春。
而年三十至初四期間,商場亦會有財神到,為顧客帶來好運,祝願財運滾滾來。
日期:即日起至2018年3月4日
時間:早上10時至晚上10時
地點:觀塘APM大堂






