今個暑假想chill住過又唔夠膽去太多人嘅地方?咁美食、時尚同藝術集於一身嘅星街小區啱曬你!星街小區嘅多間餐廳仲會為你帶黎唔同嘅驚喜,令你一試難忘。喺 The Pizza Project食一塊人氣薄餅,或者去Black Garlic品嚐治癒亞洲菜,相信已經令你滿載而歸。
除此之外,星街小區仲有好多選擇!星街小區導賞指南正式登場,幫你發掘星街小區嘅魅力之處,只要㩒㩒手機,就可以瀏覽更多新去處!如果你決定黎星街小區體驗悠閒嘅都市生活方式,記得上載你最滿意嘅相去Instagram,然後tag返@starstreethk!
The Pizza Project
The Pizza Project
灣仔星街5號地下 / 2577 7227
The Pizza Project一直出名服務好同埋抵食,而第二間分店終於進駐星街小區,為大家繼續帶黎正宗又好味嘅手工薄餅!
來自意大利嘅餐廳團隊認為,一塊簡簡單單嘅薄餅可以喚起同親友嘅美好回憶同樂趣,所以The Pizza Project 堅持以提供舒適嘅用餐體驗同埋合理嘅價錢推出薄餅。推出嘅9款薄餅口味由最受歡迎嘅巴馬火腿薄餅至到經典變奏卡邦尼薄餅,加上精心挑選嘅前菜同甜品,一定令你十分滿足。記得黎試試星街分店的限定口味:salsiccia e scamorza(辣肉腸、九芽菜、番茄醬、牛奶芝士)同breasola(日曬番茄乾、火箭菜、檸檬皮、牛奶芝士)!
Pirata集團共同創辦人同行政總裁Manuel Palacio表示:「我地好高興The Pizza Project終於可以喺星街小區開店。我地相信呢度擁有香港其中一個最好嘅地理位置、社區同多樣性。佢就好似香港熙來攘往街道上一個隱蔽而奇妙嘅口袋,大家可以停低深深喘息,令自己嘅一日變得更美好。」富有型格特色嘅餐廳環境設計,相信好快成為區內熱門嘅餐廳!
Black Garlic
Black Garlic
金鐘皇后大道東1號太古廣場三座B3樓6號舖 / 2368 9102
Black Garlic自家製作嘅治癒健康亞洲菜,第一間外賣實體店終於進駐星街小區!Black Garlic 由創意班底主理,主打現代健康家常菜,將營養食譜同食材採購放喺首位,希望製作健康有營嘅午餐,幫大家增添餘下半日嘅力量。另外,菜單上嘅菜式仲會定期更換,並每日提供最少一款素食菜式,務求做到符合所有人嘅需要!
Black Garlic創辦人Chris Cheung話:「我地從童年回憶裡喜愛嘅食譜,以及日常生活中發掘嘅美味當中汲取靈感,再結合現代慢煮方式、快捷自取服務,打造出Black Garlic,為人們每日提供不同嘅亞洲風味住家菜式。」Chris希望藉此提倡溫暖嘅住家味道,為香港忙碌的上班族提供經濟又方便的午餐。相信Black Garlic將會係一個去享用健康又豐富午餐嘅首選!
星街小區獨家優惠:
逢星期一早上8-11時購買早晨套餐,即可免費獲贈咖啡乙杯
官方網站: www.starstreet.com.hk
IG: @starstreethk
FB: Starstreet Precinct