飲水係我哋日常生活中好重要嘅一環，但係有幾多人每日都有飲夠水呢？除左大家成日聽到飲水可以保持身體健康外，飲水都會對我哋嘅外表造成好大變化，所以注重外表嘅你唔可以再忽視飲水嘅重要性喇～

首先水對於維持皮膚水分同埋為皮膚細胞提供養分至關重要，所以飲水可以增加皮膚嘅彈性，有助延緩皺紋和細紋等衰老嘅現象，而且仲可以保持光澤感、提亮膚色，真係仲work過搽cream。對有皮膚疾病嘅朋友嚟講，飲足夠嘅水可以對抗牛皮癬同濕疹等問題，提高代謝率並改善消化系統，以清除體內毒素，帶嚟健康又識發光嘅肌膚。

飲水除咗對皮膚有好處，對頭髮都有影響。水可以支持維他命嘅消耗，有助頭髮健康而且高效地生長；水幾乎佔頭髮重量嘅四分之一，所以每日飲兩公升水就可以保持頭髮亮澤。同皮膚一樣，頭髮都需要從內到外滋潤，脫水髮嘅生長有直接影響，缺水會令頭髮變得乾燥，甚至有可能停止生長㗎。除此之外，我哋頭皮同髮根嘅神經末梢有接受和傳輸信號功能，水分可以為神經末梢提供能量，增強皮膚同髮根嘅自然活力。

飲水方式都有講究，例如飲水都有重要時段，分別係早起 、 睡前一個鐘同埋餐前。暖水都較養身，飲凍水會令胃腸黏膜嘅毛細血管突然收縮，引起消化道不適或著腹瀉；飲太熱嘅水就會破壞食道黏膜，有機會誘發食道癌。

唔好以為口渴嘅時候身體先需要水分，當我哋感到口渴嗰陣人體已經開始脫水，如果長期處於潛在缺水狀態，係不利代謝㗎，所以我哋要識得主動飲水啊。不過雖然飲水好處多，都唔好好急地飲大量水，咁樣會迅速稀釋血液，增加心臟負擔，所以慢慢補充水分就夠㗎喇～