最近北九州市興起一種螺絲朱古力，連日本上皇陛下都有買過，短短幾年內店家由一日整幾百粒加至1日30000粒，今年仲開咗廠計劃進軍海外！一眾日本迷唔好錯過啦～
點解話日本迷唔好錯過呢？因為呢款朱古力係代表咗北九州嘅世界文化遺產官營八幡製鐵所，社長吉武太志當時就希望製作1款可以宣傳鐵之城、製造業之城、坐擁世界遺產之城嘅手信。於是呢款以螺絲同螺絲帽為造型嘅朱古力就係2016年2月開始有得賣啦！
呢款朱古力嘅賣點係佢真係好似螺絲一樣可以鎖上卸下，所以好快就係SNS上掀起熱潮，一貨難求！而係2017年秋天，社長更接到當時身為天皇與皇后的上皇陛下夫婦嘅訂單，有上皇陛下嘅加持後就更加受歡迎！佢地仲會分季節推出不同口味嘅螺絲朱古力，好似最近就推出粉紅嘅嘅博多甜王士多啤梨味，將工業風都變得可愛，難怪成為北九州必買嘅代表性手信之一～
呢款玩得又食得嘅朱古力有望係日本以外銷售，希望香港都係其中一份子啦！
Tags: Homita為食家
如果你都想分享你嘅美容、時尚、旅行、運動心得，請將投稿文章連同不多於100字個人簡介同埋近照一張，電郵到： editor@homita.com.hk，文章經小編篩選後更有機會刊登喺我哋FB專頁，一經入選我哋會支付相應稿酬，仲唔快啲來投稿？
Author Information
You May Also Like
