手機殼五花百門，唔單止用嚟保護手機，仲係手機嘅「服飾」，時不時可以為佢哋換「新裝」，近日台灣就出現咗一款超逼真珍珠奶茶手機殼，你又有冇興趣買佢翻屋企？

珍珠奶茶熱潮席捲全球，行過台式飲品店總會忍唔住叫一杯飲！如果你都係珍奶控，以下介紹呢個台灣品牌Chiclobe 推出嘅珍珠奶茶手機殼就超適合你啦〜

呢款珍珠奶茶手機殼，並唔係將真嘅珍珠奶茶注入手機殼內，而係迫真嘅彩繪，驟眼望上去像真度極高！攞住佢一定可以令所有人都知道你對珍珠奶茶係真愛！

呢個珍珠奶茶手機殼有4款，有珍珠奶茶、芋香珍珠拿鐵、珍珠抹茶拿鐵、玫瑰花瓣珍珠拿鐵選擇！漸層嘅夢幻色調加上珍珠同冰塊圖案，完全就係攞住一杯珍珠奶茶嘅既視感，絕對能夠以假亂真啊！

而且，佢唔係空有外表，呢個系列係反重力氣墊防摔手機殼。用家可以將手機吸附喺光滑嘅平面 (如玻璃、雪櫃門等)，如遇污跡，可以用少量清水清洗後抹乾水份，再靜置 3-5 分鐘自然乾。另外，佢有四角防摔保護手機，唔洗擔心刮花〜

可惜，目前呢款珍珠奶茶手機殼僅於台灣可訂購，價錢係台幣 690 (約 HK$178.7)，而且僅支援 iPhone 6、iPhone 6 Plus、iPhone 7、iPhone 7 Plus。如果真係好想得到佢，想買嘅朋友可能要托代購或台灣朋友幫手啦。

依家訂購珍珠奶茶手機殼，仲會隨『奶茶』附贈一支飲管~ 有興趣嘅朋友可以去官網睇睇：https://hk.pinkoi.com/store/chiclobe/

日後，如果推出迫真度高嘅香港地道小食如雞蛋仔、砵仔糕、魚蛋等等，唔知會唔會引起香港搶購潮？