「The ONE x Le Petit Prince 聖誕夢想啟航」有新活動比大家參加，全港首個聖誕燈飾盲攝工作坊「心攝小王子工作坊」將於12月15號同22號於The ONE UG2中庭舉辦，體驗節日花式Light Painting技巧，大家快啲報名啦～
法國經典文學作品Le Petit Prince《小王子》，金句意義深遠，喺全球有300幾個譯本，係聖經以外最暢銷嘅書籍之一，全世界至今已賣出超過兩億冊。今個聖誕，The ONE商場為大家帶嚟小王子嘅大型裝置！小王子更會以全港首次出現嘅聖誕造型登陸尖沙咀，為你送上夢幻閃爍嘅浪漫冬日。
今個聖誕，尖沙咀The ONE商場內無論係地下露天廣場定係UG2中庭，全部都遍佈小王子嘅蹤影，當中更完美重現多個經典場景同角色，好似狐狸與金光麥田、B-612星球等6大打卡地點，彷彿進入童話世界，故事畫面浮現於眼前。
打卡位1：月光．夜伴小王子
地點：地下露天廣場
全港首度曝光嘅聖誕look小王子，足足有3米高，好壯觀！
小王子坐喺發光月亮上面，靜侯大家一齊嚟搵佢慶祝聖誕節。
打卡位2: 幻彩幾何聖誕樹
地點：UG2中庭
戴上聖誕帽嘅小王子，同佢最心愛嘅玫瑰嚟到中庭，企喺超過4米高、由幾何聖誕波波所砌成嘅聖誕樹下，等大家同佢影相。
仔細啲睇，你會發現每個聖誕波波都有唔同圖案，就好似大家心入面滿載唔同嘅聖誕願望。
打卡位3：光影尋夢隧道
地點：UG2中庭
小編最推薦呢個打卡位！無論係唔係小王子粉絲都好，一定要嚟影相！
光影尋夢隧道表面上係一本巨型立體書，其實背後隱藏住光影尋夢隧道嘅入口，大家可以行入去同小王子合照，置身於立體書內，成為故事主角。
入到立體書入面，首先會發現神秘光影隧道，隧道上面掛住一束束LED燈星串，少女心十足！隧道兩旁有書中經典語錄，行到盡頭仲會見到小王子同玫瑰霓虹燈！
呢個打卡位非常夢幻，啱晒情侶影翻張浪漫聖誕合照，或者成班朋友齊齊打卡～
打卡位4：心情夢飛翔
地點：UG2中庭
立體書嘅正面有故事經典嘅紅色飛機浮雕，小王子坐喺巨型紙飛機上，等待大家一同遨翔天際。旁邊更有飛行員畫比佢嘅綿羊，乖乖咁陪住著小王子，非常可愛！
打卡位5：B-612星夢之旅
地點：UG2中庭
拉開布幕，進入呢個神秘又浪漫嘅寧靜夜空，大家可以發輝創意，喺小王子夢想啟航咭上為小王子填上心儀嘅顏色，再將作品掃描就可以投影到螢幕上。之後仲可以同小王子並肩坐喺他B-612小星球上，一同欣賞自己嘅作品，享受漫遊於浩瀚宇宙嘅驚喜。
「B-612星夢之旅」參加詳情：
日期：11月9日至2020年1月5日 (逢星期六、日及公眾假期)
時間：下午2時至6時
地點：The ONE UG2中庭
遊戲玩法：
1. 參加者只須下載The ONE手機APP及登記成為The ONE Club會員，即可免費參與遊戲，獲得小王子夢想啟航咭乙張。
2. 將咭上圖畫填上顏色後便可交予工作人員，隨後圖畫將被安排啟航到B612星球。
3. B612星夢之旅歷時2分鐘，參加者可於B612星球與小王子並肩而坐，一起觀賞星空及與畫作拍照留念。
花心思盡情打卡後，記得上載場內主題裝飾嘅相上去The ONE微信帳號「TheONETST」，並完成指定步驟，喺「B-612星夢之旅」嘅入口出面，即可免費獲得印上小王子主題嘅即影即有相片一張～
「小王子夢想攝印站」參加詳情：
日期：11月9日至2020年1月5日 (逢星期六、日及公眾假期)
時間：下午2時至6時#
地點：The ONE UG2中庭
心動位6：狐狸與金光麥田
地點：UG2中庭
狐狸係小王子故事入面象徵友情，嚟到呢片金光閃閃嘅麥田之中，你會見到狐狸被小王子輕輕抱住。大家可以加入佢哋，置身於金黃麥田同佢哋合照。
喺「The ONE x Le Petit Prince 聖誕夢想啟航」小王子聖誕限定活動期間，顧客以電子貨幣即日消費滿指定金額或The ONE Club會員憑指定積分即可免費換領限定版禮品乙份！（禮品每日數量有限，先到先得，換完即止。）
想要小王子禮品嘅，可以去The ONE商場睇下有冇嘢啱，買聖誕禮物比自己或者家人朋友～
限定消費禮遇換領詳情
換領日期︰11月9日至換完即止
換領時間：中午12時至晚上10時
換領地點：The ONE UG2顧客服務中心
「小王子夢想手記2020年月曆」
消費滿HK$500 (共1,000份)或憑5,000積分 (共200份)
「夢想啟航行李保護套」
消費滿HK$800 (共1,000份)或憑8,000積分 (共200份)
「利寶閣HK$300飲食現金券」
消費滿HK$2,000 (共450份)或憑18,000積分 (共50份)
唔消費，都可以有禮物收，咁正？你無聽錯，真係咁正！
透過The ONE手機APP參與搜尋遊戲，集齊4款「小王子」電子襟章，即有機會獲得「夢賞飛翔隨行扣帶」乙份～(名額：共1,850份，先到先得，換完即止。)
精美隨行扣帶除咗極具收藏價值外，亦正好為2020年嘅旅程計劃做好準備！
「小王子夢『賞』之旅」參加詳情
遊戲日期：11月9日至換完即止
禮品換領詳情︰
日期：11月9日至換完即止
時間：中午12時至晚上10時
地點：The ONE UG2顧客服務中心
呢個「The ONE x Le Petit Prince 聖誕夢想啟航」小王子聖誕限定活動只係去到1月5號，小王子粉絲記得唔好錯過，快啲把握時機，約埋另一半或者朋友一齊去啦～
【The ONE x Le Petit Prince 聖誕夢想啟航】開放詳情
日期：11月9日至2020 年1月5日
時間：上午10時至晚上10時#
地點：尖沙咀The ONE UG2中庭及地下露天廣場
