上次同大家分享咗「The ONE x Le Petit Prince 聖誕夢想啟航」小王子聖誕限定活動,等大家去打卡影靚相~
正當成街都係聖誕燈飾,令人目不暇給,親友愛侶紛紛舉機影唔停。大家有冇諗過聖誕節呢個歡欣嘅節日,放閃拍照並唔單止係健視人士嘅權利?「心攝小王子工作坊」將於12月15號同22號於The ONE UG2中庭舉辦,無論視障人士或健視人士,一律歡迎參加。
健視參加者將會戴上特製眼鏡,以第一身感受多感官盲攝體驗,喺「盲蹤踪」嘅成員同視障攝影師嘅引導下,透過「時鐘定位法」同「領路法」提供方位,喺有限度嘅視力下靠線條、光影同顏色去構圖,慢慢捕捉視覺以外嘅新畫面,將當下細心探索嘅多感官體驗拍成具故事性嘅相,喺鬧市中搵到自己嘅緩慢節奏。
「盲蹤踪」團隊更為呢次全港首個聖誕燈飾盲攝工作坊加入節日限定特別花式拍攝技巧,大玩光影塗鴉(Light Painting)、聖誕觸覺小道具等,大增非視覺嘅攝影成果,增添盲攝嘅樂趣!
大家一齊嚟欣賞下「盲蹤踪」團隊視障攝影師郭健同Cathy嘅靚靚作品~
在有限度嘅視力下,視障人士睇得到光,但或者從來唔知星星係咩樣。喺垂吊一束束浪漫LED燈星串嘅神秘光影隧道裡,光影塗鴉令各位盲攝體驗者用「心眼」代替眼睛,跳出視覺框框,重新想像同繪畫事物嘅線條,完成豐富繽紛嘅構圖對焦!
即使你已經喺眼前嘅聖誕佈置影咗無數張打卡相,但跟視障人士再行一轉,往往會有新發現!「盲蹤踪」團隊為參加者準備咗聖誕觸覺小道具,例如唔同形狀嘅折射鏡,影出嚟嘅效果就好似萬花筒咁,令你喺同一個場景拍攝出與別不同嘅夢幻散景照片!
「心攝小王子工作坊」活動詳情
活動日期:12月15及22日(星期日,每日一節)
活動時間:下午2時至3時
活動地點:The ONE UG2中庭
換領詳情
換領日期︰即日起至12月10日(逾時無效)
換領地點︰The ONE UG2顧客服務中心
換領名額︰每節20個
換領方法︰The ONE Club會員憑1,000積分,即可免費換領「心攝小王子工作坊」名額乙個。成功預訂工作坊後,請於12月10日或之前到The ONE UG2顧客服務中心領取換領信出席工作坊。每名參加者成功出席工作坊後,可即場獲得小王子夢想手記2020年月曆、夢想啟航行李保護套及夢賞飛翔隨行扣帶乙份。