雪糕嘅魅力幾時都係擋唔住嘅,之不過女仔嘅口味除左要好食之餘,賣相都相當重要。台中呢間藍箱處就做到喇,哩間前幾個月先開嘅雪糕店,先唔講造型有幾特別,光係睇舖頭嘅裝修都已經夠晒呃like。
近期哩間IG打卡熱點主打分子冰淇淋雞蛋仔,位於173巷弄廣場嘅藍箱處,外形同個名一樣係一個名符其實個Blue Box藍色貨櫃屋。
從外面睇起黎十分簡單嘅藍箱子,裡面卻裝修得好別緻。雖然座位唔多,但牆身以天空藍為主色,俾人一種好放鬆嘅感覺,旁邊仲用唔少乾花襯托住。
藍箱處同一般甜品店唔同,裡面賣嘅係分子雪糕,採用-200°液態氮配合新鮮材料,經過高速攪拌而成嘅~
店主每隔一排就會更新menu,當中最signature嘅就係上星期先推出嘅愛麗絲同美人魚造型。
(愛麗絲甜筒 NT$90)
甜品師係雜莓口味嘅雪糕上加上貝殼巧克力,充滿夢幻感覺。
(美人魚甜筒 NT$90)
再黎嘅就係象徵住純真嘅獨角獸啦~甜品師除左係雪糕擺上招牌長角、耳朵同翅膀,仲搭配左扁扁嘅彩虹糖,設計相當心思細密,就好似一隻獨角獸係彩虹上奔馳。
(獨角獸甜筒 NT$90)
另外仲有蝶豆花玫瑰、百變小櫻同sailor moon款,啱曬唔同少女卡通迷嘅口味。
藍箱處 Blue Box
地址:台中市北區一中街173號
營業時間:下午2:00至晚上9:00 (逢星期二休息)
電話:+886 955 132 267
如果你都想分享你嘅美容、時尚、旅行、運動心得,請將投稿文章連同不多於100字個人簡介同埋近照一張,電郵到: editor@homita.com.hk,文章經小編篩選後更有機會刊登喺我哋FB專頁,一經入選我哋會支付相應稿酬,仲唔快啲來投稿?
Author Information
You May Also Like