秋天嚟啦！又到賞楓季節，最近韓國Starbucks推出一系列秋季新品，全新焦糖奶蓋咖啡，杯身仲有焦糖掛杯，經典南瓜拿鐵亦會同場回歸。除咗秋冬限定特飲外，仲趁機推出秋季杯款！
韓國Starbucks今個秋天會推出兩款限定特飲，除咗經典嘅南瓜拿鐵外，仲有全新維也納咖啡，拿鐵咖啡上蓋上厚厚鮮奶油，再灑上焦糖粉，鍾意奶蓋嘅朋友一定要試！
同場加推秋季系列新杯款，雲石馬克杯、木色調雙層透明玻璃冷飲杯、小狐狸保溫杯等，其中牛油果綠隨行杯係今年流行顏色，十分值得收藏！
另外韓國Starbucks更有地區限定新品，濟州分店會推出用上濟州甜番薯製作嘅番薯latte，配上忌廉及栗米脆片；另外仲有黑芝麻星冰樂、艾草忌廉星冰樂等濟州限定飲品。
又係時候去轉韓國試下新嘢飲或者買新杯嘅朋友就要留意啦！
如果你都想分享你嘅美容、時尚、旅行、運動心得，請將投稿文章連同不多於100字個人簡介同埋近照一張，電郵到： editor@homita.com.hk，文章經小編篩選後更有機會刊登喺我哋FB專頁，一經入選我哋會支付相應稿酬，仲唔快啲來投稿？
Author Information
You May Also Like
