珍珠控要尖叫啦！Family Mart台灣推出爆漿「珍珠奶茶湯圓」、「珍奶Pizza」，挑戰珍珠控嘅味蕾。 台灣全家便利店聯乘珍珠粉圓專門店「魏姐包心粉圓」，推出3款珍奶甜品，包括有黑糖珍奶湯圓、珍珠奶茶pizza及珍奶蒸包。

珍珠奶茶湯圓嘅外皮除咗有淡淡黑糖珍奶味之外，內餡亦包有粒粒黑糖珍珠更加入牛奶 ，整體口感好煙韌，打造香甜的爆漿口感，充滿奶香味，各位珍奶控不妨試下！

而「珍奶披薩」以特調嘅Cream Cheese奶茶醬加上Q彈嘅珍珠，放上手作香酥披薩餅皮一齊烘烤，披薩餅皮外酥內軟，與Q彈珍珠形成絕妙搭配，而香濃奶茶醬則會喺口中化開，黃金組合令人想食完再食！

另一款「珍珠奶茶米糕」將糯米融合錫蘭紅茶同鮮奶油，搭配鋪滿頂層嘅Q彈珍珠，每一口都充滿甜蜜奶茶香氣。望落個樣有珍珠奶茶飯嘅既視感~

珍珠奶茶蒸包口感軟韌，而且內餡充滿粒粒珍珠，當甜點小食一流！

除咗同「魏姐包心粉圓」嘅聯乘系列，台灣全家便利店仲有其他珍奶產品~

海鹽花生珍珠雪餅將珍珠加入海鹽花生雪糕中，再加上軟軟嘅雪餅，口感相當豐富。選用澎湖特有白膜花生，使用海砂慢火反覆拌炒，鎖住花生香氣與大海鹹味，再磨醬注入牛奶、不加一滴水製成義式雪糕後，再拌入Q彈珍珠，鹹香不膩。

珍珠奶皇包嘅Q彈珍珠令包更有豐富口感，一剝開，珍珠隨著奶皇餡流淌而出，超療癒～

全家便利商店 珍珠奶茶產品
售賣點：台灣全家便利店
販售價格：
黑糖珍奶湯圓（98台幣/8粒；約HK$25）
珍珠奶茶Pizza（59台幣；約HKD $15）
珍珠奶茶米糕（399台幣 ；約HKD $102）
珍珠奶茶包（150台幣/4個；約HKD $38）
海鹽花生珍珠雪餅（125台幣/2個；約HKD $32）
珍珠奶皇包（389台幣；約HKD $100）

全家珍珠奶茶周邊系列皆可在全家線上網站預購，珍奶控千萬唔好錯過！