小編我好憎整日帶妝，好容易脫妝，而出油之後脫妝又容易阻塞毛孔，之後就係麻煩嘅生粒粒、毛孔粗大。好難搞。

但其實你知唔知，其實呢個問題嘅根本就係因為皮膚太乾，底妝不斷吸皮膚中嘅水分，皮膚頂唔順了就會瘋狂出油，油脂就會溶解底妝，跟住之後就係脫妝→阻塞毛孔→爆痘……

搞清楚原因之後，解決呢個問題就好簡單了，只需要跟住呢位韓國youtuber ＠fascinate_s，保持皮膚水分就唔怕喇！

STEP 1：五分鐘快速面膜
妝前濕敷可以最快速地讓肌膚補充水分，著重係容易乾的臉頰以及T字部位，鼻翼部分都要記得完全覆蓋，先可以防止鼻翼脫妝！最後可以再噴一層保濕噴霧，加強保濕！

如果屋企有可以日日敷嘅保濕面膜都可以直接敷面膜嘅。

閱讀更多：寒冬補水點敷都唔會心痛 平靚正面膜大盤點

STEP 2：化妝水擦拭
可以使用啱啱濕敷用嘅化妝棉輕輕擦拭全臉，不但可以幫肌膚保濕，仲可以做一次基本的清潔！

STEP 3：保濕乳
使用海綿沾上保濕乳液，用點拍的方式沾在臉上，之後用手輕拍全臉，可以令保濕乳液吸收更快！海綿唔會帶走乳液嘅油脂，反而可以更快速被肌膚吸收！

STEP 4：精華油
除左保濕乳以外，乾皮女仔都可以再加上一滴精華油，使用按壓的方式上臉，就能有效地深層保濕。留意，如果你係好似小編呢種外油內乾嘅皮膚就唔好用油質嘅精華，可以用補水精華代替。

STEP 5：毛孔隱形妝前乳
容易脫妝浮粉嘅一大原因就係肌膚不平整，所以記得要使用毛孔隱形霜，取少量擦係毛孔比較粗大的鼻翼＆下巴，不需要全臉塗，咁樣會令肌膚透唔到氣！

STEP 6：提亮型妝前乳
跟住使用提亮型妝前乳，可以用粉色系或者白色系來提亮膚色，睇上去會比較有水潤感，薄擦一層就可以！擦太厚都可能會有毛孔透唔到氣嘅問題。

STEP 7＆8：上妝
先使用刷具由內向外將粉底均勻刷上，跟住再用沾濕的海綿蛋拍勻，重複兩次左右，以小量多次的方式上妝，妝容會比較持久也比較輕透。

想要在保濕度再強啲，可以使用保濕噴霧噴係美妝蛋上在輕拍推開粉底～

STEP 9：保濕噴霧定妝
最後當然係要好好定妝，噴上保濕噴霧定妝，鎖住肌膚水分，就唔會容易浮粉脫妝。

帶妝成日都唔曬驚啦！

Source：Intagram ＠fascinate_s