繼聖誕節超夢幻可愛嘅Precious Moment X Little Twins Star裝飾之後，農曆新年黃埔又有新搞作！扭扭汽球狗絕對係陪我地由細玩到大嘅好朋友! 今個狗年，仿汽球狗造型福氣狗狗列陣黃埔新天地同你一齊賀新歲！
黃埔號船尾嘅2米高「長長狗」，帶埋一家大細同大家拜年，加上一個個花球，入夜亮燈仲靚啊！
聚寶坊嘅金氣逼人「狗狗金」，轉動狗狗身上嘅發條，狗狗入面嘅元寶就會隨之轉動，寓意轉出財運！
享膳坊內錯視立體「狗狗睇餐飽」由多張平面膠片組成嘅，係唔同角度會有唔同面貌，原理好簡單但整出黎卻好有趣呢！
同埋喺時尚坊地庫嘅「長長狗狗行大運」，除咗有花花大狗同12隻代表不同月份嘅小狗，仲有超大棵桃花係度，希望大家嘅感情都可以長長久久，桃花朵朵開！
一隻隻可愛嘅汽球小狗會由即日起到3月4日等你黎同佢地一齊影相打卡，記得要去埋家居庭按動狗狗身旁嘅互動打氣泵，令狗年運氣爆燈喎。快啲黎黃埔新天地同佢地玩啦！
Tags: Homita遊香港
如果你都想分享你嘅美容、時尚、旅行、運動心得，請將投稿文章連同不多於100字個人簡介同埋近照一張，電郵到： editor@homita.com.hk，文章經小編篩選後更有機會刊登喺我哋FB專頁，一經入選我哋會支付相應稿酬，仲唔快啲來投稿？
Author Information
You May Also Like
