平時收工最鐘意就係約埋班同事、朋友去happy hour，小酒怡情飲返幾杯！但其實一大杯酒精含量 13% 既紅酒，已經有 228 卡路里，等同一件冬甩或者一包 M&M 朱古力；而一大杯啤酒就有 250 卡路里，就等於一塊薄餅。一晚同朋友傾下計，飲下飲下唔覺又幾杯落肚，慢慢就養起左個啤酒肚。到底點飲酒先可以多飲又無咁易肥呢？
＃多攝取蛋白質
由於「高蛋白質」既食物能減緩酒精吸收，好似瘦肉蛋白質就可以提供飽足感，抵抗對高熱量食物（例如：薯片、花生、小食）既食慾。如果係居酒屋、串燒店聚餐，係飲酒之前，可以先多食燒雞肉串或雞軟骨，不過千奇唔好食過多！
＃多飲水
常言道，有試飲水，冇事飲水。如果唔想咁快被人灌醉，就記得係飲第一杯酒之前，先飲兩杯水維持身體水分！係每杯酒之間，飲一杯水唔只幫你調整狀態，令身體無咁缺水之餘、亦無咁容易餓，減少酒精引發食慾既可能。
＃１個鐘１杯
唔想飲醉酒，又唔想咁容易發胖，咁就要遵守「１個鐘１杯」既原則，等身體係大腦失去理性前消化酒精，當你諗到卡路里可能會囤積，你仲想唔想狂飲？係放慢速度飲酒既同時，身體先有時間去消化食咗既重油重鹹食物架！
Tags: Homita瘦身計
如果你都想分享你嘅美容、時尚、旅行、運動心得，請將投稿文章連同不多於100字個人簡介同埋近照一張，電郵到： editor@homita.com.hk，文章經小編篩選後更有機會刊登喺我哋FB專頁，一經入選我哋會支付相應稿酬，仲唔快啲來投稿？
Author Information
You May Also Like
