係一個懶洋洋嘅冬日，最啱就係沖一杯溫暖香醇嘅紅茶同自己打打氣。雖然茶有好多保健嘅功效，但都市人為求方便、唔洗處理茶葉殘渣，都會選擇改用沖泡式嘅茶包或飲料。近日，日本茶葉品牌TEAtriCO推出左TEAT果茶系列，唔單止可以代替茶葉沖泡出迷人風味，剩下嘅天然材料亦可以食用，唔怪之得日本一開賣就紅到去北歐，深得男女老少歡迎啦！

一向以「小小改變，都能為一成不變嘅日常增添光輝。」為品牌概念嘅TEAtriCO，精選來自世界各地高品質茶葉，揉合花卉、乾果，創造出獨一無二嘅療癒風味。而近期最受歡迎嘅「Teat」系列，結合左“TEA”同“EAT”哩兩個字嘅意思，由果乾、扶桑花，仲有薔薇果所製成。除左充滿食物纖維同維他命外，係注入熱水嘅一刻亦會散發著充滿層次感嘅香味便充滿鼻腔，令用家身心都能得以放鬆。

將果茶茶料浸軟後，不妨拎支茶匙邊喝邊食用，可以達至對於美肌、舒緩疲勞嘅效果。

除左一般嘅熱飲方式，你亦可以將佢變成凍飲或加入梳打水，健康啲嘅可以試試混入粟米片、麥皮裡食用，甚至仲可以加入麵糰製作成pound cake或者餅乾。

目前Teat果茶系列一共有12種口味，以10g、50g同500g三款大細販售，仲可以按照「適合搭配餅乾」、「想作為一天開始」等需求黎挑選一包最適合你嘅果茶。

小編偷偷地話俾你地知，哩款兼具美容與健康功效嘅紅茶，唔只啱女性，仲好適合當做窩心禮物送俾你身邊嗰個忙著讀書、工作嘅那個「他」！

想知道更多資訊請到TEAtriCO官方網站: http://teatrico.jp/