Disney跟Sony談判決裂，Marvel總裁Kevin Feige透露日後，唔再製作任何《蜘蛛俠》系列嘅電影，換言之《蜘蛛俠》將無緣重返其後Marvel「蜘蛛俠」系列電影，將會由SONY獨自擔起製作。

對於Marvel Studios總裁Kevin Feige，單方面宣布唔再參與《蜘蛛俠》系列創作，SONY隨後就此事發表回應︰「今日有好多關於《蜘蛛俠》嘅新聞，我哋好失望但會尊重迪士尼嘅決定，唔會比Kevin Feige繼續擔任我哋下一部《蜘蛛俠》電影嘅監製。」

消息一出，當然引嚟唔少粉絲嘩然，而且「蜘蛛仔」本人湯賀蘭（Tom Holland）都喺個人Instagram上表示不捨，同時亦有網民指︰「SONY做嘅蜘蛛俠一概罷睇」，睇嚟要改變粉絲心中嘅既定形象，還需要加把勁。

自《復仇者聯盟4》後，一眾MCU元祖成員正式退落嚟來，踏入第4階段需要加入大量新血，先得以維持Marvel強勢。而按Marvel Studios一直嘅安排，早就將蜘蛛俠視為鐵甲奇俠Iron Man嘅接班人，依家突然出現暗湧實在始料不及。

根據外媒《Deadline》消息，迪士尼Marvel 與SONY近日對蜘蛛俠系列電影嘅新合約進行談判，但目前結果似乎唔太樂觀。雙方分歧在於，Marvel Studios 要求未來嘅蜘蛛俠電影係SONY同迪士尼各佔50%嘅票房分紅，從而獲得更多對影片嘅掌控權，並且討論如何更廣泛地參與到擁有900多個角色嘅SONY蜘蛛人世界。