鄭裕玲Dodo姐雖然61歲，但心境依舊年輕！韓國男子團體BTS紅遍全球，吸粉絲能力驚人，連Do姐都難敵佢哋嘅魅力，過往不時喺IG大曬BTS專輯、周邊產品開箱嘅相，又試過喺電台節目大談追星心得，表示最愛「泰泰」，即係BTS成員V (金泰亨)。

唔少人隨住年紀增長，可能較難接受或接觸新事物，但61歲嘅Do姐例外，對新事物有一顆熱情嘅心。唔少網友更留言稱讚「Do姐感覺個人好開通，keep住認識新事物唔會同時代脫節。」

DO姐不嬲有留意開K-pop，更眾所周知係BTS嘅fans。DO姐追星親力親為就係人都知，身為BTS防彈少年團嘅鐵粉，唔單止成日飛去韓國應援，仲會去BTS唔同活動大力支持，果然係忠實粉絲！好似今年3月，佢同陸永女女一齊睇BTS香港演唱會。

早前BTS喺英國倫敦舉行演唱會，驚喜嘅係鄭裕玲Do姐飄洋過海去英國睇佢哋表演，仲拍下認證照！

而近日DO姐就收到7個BTS成員嘅figure，即時興奮同公仔合照大曬IG，相中DO姐坐喺地下，腳邊圍住6個figures，DO姐手上就捧住一個，幸福笑容十分可愛～DO姐果然對V金泰亨情有獨鍾，攬到泰泰嘅人仔figure實一實，可見Do姐仲有保留少女心！

DO姐果然係真·ARMY！