今個暑假，利園協會同活現香港 Walk in Hong Kong攜手合作，將於8月10、24日及9月21日舉行一共三場嘅「隱形斗篷下的銅鑼灣利園」導賞團，於富歷史價值嘅戰後唐樓群間探訪4間「潮」店、3間「老」店，另類本地深度遊將徹底顛覆你對銅鑼灣嘅印像！
「活現香港」（Walk in Hong Kong）有別於一般導賞團，以社區導賞形式帶領參加者以「行街團」嘅方式走入社區，與當區香港人互動，邊走邊發掘香港每一區嘅文化同歷史。
.jpeg)
利園區位處銅鑼灣核心地段，不但雲集各式優質食肆、潮流時裝品牌及時尚生活商店，區內仲有特色唐樓小店、文化生活概念店同咖啡廳等，帶嚟各種休閒生活空間，係香港極具魅力、充滿獨特色彩嘅和諧共融社區。
你知唔知道希慎廣場喺100年前曾經係一座大山？100年後卻搖身一變成為商廈林立嘅購物天堂，更係匯集多家時尚潮流商鋪嘅新地標！然而，商廈林立之間仍然保存咗極具特色嘅唐樓群，唔單止有玩味十足嘅創新小店，亦有保留舊香港情懷嘅傳統老字號，當中鮮為人知嘅獨特故事，靜待各位嚟親身發掘！
導賞團遊覽以下8大銅鑼灣社區故事：
❶ Museum CONTEXT — 鬧市中嘅魔法世界
第一站會率先到Museum CONTEXT，穿過利園區大街小巷，踏入舊唐樓內一間小店，瞬間仿如進入哈利波特中嘅魔法世界。神秘隱世嘅位置予人一種尋寶感覺，吸引唔少遊客專程前嚟一探究竟。為滿足香港粉絲對電影嘅熱愛，店主從愛丁堡本店搜羅一系列珍貴限量哈利波特產品，顧客可一邊選購之餘，更歡迎大家穿上魔法師袍，手攜魔杖拍照留念，感受魔法世界攝人魅力！
.jpeg)
❷ Badges Story — 唐樓中嘅皇家特工
第二站延續西方電影情懷，店內擺設裝潢參考電影「皇家特工」內嘅Kingsmen裁縫店，融合英國風同本土風情，別樹一格。店內除咗售賣本地創作品牌Badges Story外，創辦人Bryan Ong獨愛英式設計及歷史創作，收藏唔少絕版系列嘅女王舊幣、鈔票同郵票，更經常與香港歷史及相關收藏人士合辦唔同類型嘅活動，希望向下一代推廣香港史。
❸彌敦道9號 9 cut Barber Shop — 時髦具個性嘅男生俱樂部
彌敦道9號以傳統正宗Barber Shop作為參考，為男士們提供一個可以集理髮、休閒同娛樂於一身嘅髮型屋，提供時下流行嘅復古油頭造型嘅復古油頭造型及多種男士髮型風格，令客人感受獨特嘅理髮品味。而深受美式文化影響嘅店主Barber Jacky， 率領一眾背景、經歷、性格各異嘅理髮師，進駐潮人地帶 — 白沙道，希望以更大嘅空間，打造岀更佳理髮體驗，令客人同理髮師可以交流彼此嘅生活態度。
.jpeg)
❹ 徠卡相機 Leica Camera — 相機界法拉利
店舖揉合傳統徠卡相機同本地設計元素，成為本港首間徠卡相機官方旗艦店。徠卡相機源於德國中西部名為〝 Wetzlar 〞嘅小鎮，其快門聲被公認為最輕最特別。徠卡相機以精密鏡片設計同富有設計品味嘅外型聞明，深受本地一眾名人支持，包括鄭中基、周潤發等。位於香港嘅旗艦店由本地建築設計公司LAAB設計，係徠卡首間結合相機店、咖啡店、配件店同相片藝術展覽嘅空間。
.jpeg)
❺ 太平館餐廳 — 世代相傳的「名人餐廳」太平館
早於 1860年廣州太平沙開業，係最早期由中國人經營嘅西餐廳。唔少名人貴族曾經喺呢度用餐，包括大文豪魯迅、中國國民黨總裁蔣介石同中國前總理周恩來等均係座上客。自七十年代屹立至今，太平館餐廳有多款經典名菜深入民心，其中包括馳名中外嘅瑞士雞翼、乳鴿等豉油西餐，唔少已成港人集體回憶。太平館秉承傳統老字號嘅守望相助精神，係全港唯一一間餐廳承包伙記食宿，大家共享廁所廚房，喺現今社會更添一份難能可貴嘅情誼。
.jpeg)
.jpeg)
❻ 老三陽 — 老上海味道血脈
老三陽係港島區僅存嘅南貨店，印證咗最傳統嘅老上海味道。祁老闆對食材同手工製作有一份恒久嘅堅持，有別於坊間大集團所賣嘅糭，老三陽嘅嘉湖糭現做現賣，牽涉到唔少手工程序，令每一隻糭獨一無二之餘亦更具人情味。入秋後，店舖更會搖身一變，成為售賣正宗陽澄湖大閘蟹專門店。老三陽為香港人引入傳統上海味道外，亦見證香港四十多年歷史變遷。
.jpeg)
❼ 利舞臺 — 上一代嘅明星搖藍
有人話，利舞臺係利希慎為母親而建嘅戲院，為咗興建利舞臺，利希慎專程委託法國設計師操刀，最終成為中西合璧嘅典雅建築。除咗作為戲院，利舞臺亦係上一代上一代嘅明星搖藍。早於紅館啟用前，本港嘅大型表演都喺利舞臺舉辦，對好多大明星而言都存有一份不可取替嘅深厚感情。
.jpeg)
❽ City.With.Out.Door — 鬧市中嘅後花園
City.With.Out.Door為一間戶外用品概念店，致力引領城市各界走進大自然，享受及體驗大自然。店舖會用百分之一嘅營業額去舉辦社會共融戶外活動，定期舉辦跟大自然、旅遊有關舉辦社會共融戶外活動，定期舉辦跟大自然、旅遊有關嘅講座、興趣班、工作坊，營造社區和諧之餘亦力盡社會責任，僱用弱勢社群成為員工，盡心締造社會共融。
.jpeg)
導賞團將帶你走進銅鑼灣旺中帶靜、新舊共融嘅利園區，以不一樣嘅角度細聽利園區嘅前世今生，親身感受新舊共融香港情懷，洞察利園區別樹一幟嘅美麗！約實大家捉緊盛夏餘韻，喺今個暑假好好體驗本土風情！
| 「隱形斗篷下的銅鑼灣利園」公眾導賞團詳情： | |
| 日期： | 8月10日、9月21日（星期六）(導賞語言：廣東話)8月24日（星期六） (導賞語言：英語) |
| 時間： | 下午3時至5時 （約2小時） |
| 集合地點： | 希慎廣場1樓中庭（銅鑼灣軒尼斯道500號，近銅鑼灣站F1出口） |
| 團費： | 港幣100元正（已包導遊費、試食環節、互動體驗及保險費用） |
| 報名方法： | walkin.hk/cwbtour/ |
利園協會專頁：
Facebook專頁：www.facebook.com/LeeGardensAssociation/
IG專頁：leegardensassociation
