任坐豪華海景巴士

沿著糸島的海岸線走，真的會發掘到不少特色的cafe，就好似這輛充滿英倫風格的紅色雙層巴士，停靠在海邊已甚為搶眼，其實它的「真身」是一間cafe，由於老闆喜歡英國文化，特意在英國購入退役巴士，再親手改裝成cafe，下層為貨倉及廚房，而上層設有座位及枱，讓人可以一邊品嚐美食，一邊眺望海景。大家都不用擔心，這是空調巴士，夏天入去乘涼絕對舒適，如果加埋雪糕相信會是錦上添花吧！這間cafe正正主打雪糕，口味或因時節有所變更，但總共會有超過20款口味選擇，總有一款啱心水。另外亦有熱狗及薯片等小食，啤酒、咖啡等飲料都一應俱全，唔坐巴士上層，坐出面感受陽光與海一樣好feel！

紅色巴士與蔚藍澄空構成了一幅有如明信片的圖畫，更為這裡添上了復古情懷。

樓上空間不算太大，正好為遊客提供一個寧靜環境，細味海天一色的優美景致。

開心果味Gelato – 今次小編就試咗開心果味，據講這裡的雪糕不含添加劑，香氣十足，味道濃郁芳香，又唔會太甜，感覺清新。

巴士內圍其實大致保留原貌，沿著白色梯級上去就是第二層，即是座位位置。

這輛巴士以前曾在倫敦行駛，現時就落戶糸島，只是外型都值得成為「打卡」 位。

巴士出面亦備有帳幕及枱凳，坐在這裡吹吹海風，感受寫意假期的悠閒。

糸島LONDON BUS CAFE
地址：福岡縣糸島市志摩野北2289-6
電話：080-5268-6610
營業時間：11:00am-日落
定休日：不定休
交通：JR筑前前原站轉乘的士約25分鐘
網頁：糸島London BUS CAFE&旅cafe （Facebook）