放完聖誕假，又到左番學等放學嘅日子，唔想係學校日日以一個頹look示人，除左化啲妝，係髮型方面亦要落啲心機。每個女仔無論係你定我都有自己一套紮頭髮嘅技巧，馬尾、簡單嘅鬢辮……黎黎去去都係哩幾款，悶唔悶啲呀！想係心儀對象面前眼前一亮又無靈感嘅話，相信Instagram幫到你。

最近好多髮型師紛紛係Instagram上教人點樣輕鬆打造每個女仔都想要嘅日系髮型，今次小編就揾黎4位超人氣日本髮型師，絕對能夠讓妳365日紮住唔重複嘅百變可愛髮型。

浪漫隨意辮髮

有留意日劇或日本潮流嘅你，一定能夠認得哩種猶如公主般嘅後披式麻花辮。除了常見嘅Elsa頭，其實仲有Fish braid，French braid同Dutch braid，百變又具時尚感，配以閃閃嘅髮飾，仲會令造型變得更加有生命力添！

（@miyuwada）

(@Album_hair)

睇住片一步步整，其實幾簡單～

(@Album_hair)

甜美公主頭

無論係卡通定係偶像劇中，嬌滴滴嘅女主角都總係綁住哩款甜美公主頭。雖然睇起黎簡單，但其實拿捏頭髮嘅手法相當重要，一唔小心就會好易顯老。假如想令成個頭睇起黎更加豐滿，可以係兩旁紮條麻花辮，然後係後腦處用一條橡筋蓬鬆地束住，提升髮型嘅甜美氣質。

（@koyahair）

(@taiki0726)

(@koyahair)

優雅包包頭

丸子頭就見人紮得多，但若果想擺脫個份稚氣感，其實可以嘗試綁出一個低髮髻。低髻嘅綁法千變萬化，不妨係後腦處拉鬆一啲，可以令髮絲增加空氣感，係優雅中增添一分隨性慵懶感，簡直係同男生約會嘅必選！

(@koyahair)

(@miyuwada)

(@taiki0726)

想走在冬日時嘅尚尖端，快啲follow哩4位髮型師，學下點樣綁頭髮，係新一年打扮到連你所有嘅friend都羨慕啦！