已經無嘢可以阻止到珍珠奶茶狂熱！珍珠奶茶喺日本爆紅，日本人排6小時只為一杯珍奶，日本珍珠奶茶風潮繼續延燒，絲毫沒有減退的趨勢，甚至因為對珍珠奶茶的喜愛而激發各種創意料理。

日媒《SoraNews24》嘅記者佐藤先生（Mr. Sato）飲珍珠奶茶時突發奇想，既然日本有「茶泡飯」（chazuke）料理，點解唔試下用珍珠奶茶煮飯呢？於是佢決定親自下廚，試下用珍奶煮出嚟嘅飯到底會係咩味道。

You can make rice with tapioca bubble tea, and it’s surprisingly tasty【SoraKitchen】 https://t.co/jd20PWDqQI

— SoraNews24 (@RocketNews24En) June 25, 2019

工作人員先買好兩杯中杯珍珠奶茶，亦準備好一包白米。因為係一時興起，亦無食譜可以跟，於是佢哋決定先從最基礎嘅「一杯米」嚟測試。佢哋先將米洗乾淨、稍微瀝乾水分放入鍋，跟住就將珍珠奶茶倒入去。

其實佐藤並唔知道應該要放幾多，經過思量後決定將以平時煮飯嘅方式，睇下一杯米適合加幾多水，亦將珠奶倒到適當嘅水量刻痕位置，確保米粒有完全被奶茶浸泡就可以啦。喺煮飯嗰15分鐘入面，奶茶嘅香味亦隨住電鍋加熱不斷撲鼻而來，米飯香夾雜住甜美嘅香氣，令人口水直流。

一開始佐藤擔心珍珠會黏鍋邊，好彩打開鍋蓋時發現珍珠都完好地喺飯中央，原本白色嘅米飯都裹上奶茶色，當飯鍋多餘水分散去時，每粒珍珠就好似「黑珍珠」一樣閃閃發亮。

最後有無成功呢？答案係…有！超成功！味道竟出奇地夾，工作人員試食後嘅感想係，「雖然有濃厚奶茶香，但亦有米飯原本嘅香氣，同珍珠一齊擺入口，口感層次豐富，無違和感！意外地好食！」 分享煮法到網上後更爆紅，大受網民歡迎，網民紛紛試煮。

如果唔想自己煮，又或者驚煮得唔好食咁點？咁就去買嚟食啦！最近澳門饅頭店Phoenix. Lava就大膽咁將珍珠奶茶飯，正式推出澳門市面。各位珍珠奶茶迷有無興趣一試呢？如果係珍奶狂熱者嘅話仲可以邊飲珍奶邊食珍奶飯 ~ 好唔好食我就唔知啦，不過我知道熱量一定好高！（欸...）

Phoenix. Lava（澳門店）

地址：澳門營地大街140-B號紅窗門大廈地下B舖

營業時間：11:00-21:00

Facebook：https://www.facebook.com/phoenixlava.mo/