KFC 肯德基近年積極打入年輕市場，屢屢創造新話題，好似之前英國肯德基推出「炸雞香味」蠟燭、可靜心聆聽炸雞聲嘅ASMR網站。最近俄羅斯肯德基（KFC Russia）則聯手聖彼得堡街頭潮流品牌 Mam Cupy 推出聯名款漁夫帽，結合潮流商品與肯德基經典元素，再次引起話題。

較早前 IKEA 將標誌性藍色環保袋 Frakta，打造成尼龍漁夫帽，在網上更賣岀幾倍嘅價錢，迅速成為全城瘋搶嘅商品。 繼IKEA推出了品牌漁夫帽後，KFC亦推出炸雞桶漁夫帽。

俄羅斯KFC聯同聖彼得堡街頭設計師Mam Cupy，將KFC標誌性嘅紅白間炸雞桶設計成漁夫帽。呢款漁夫帽以紅白條紋為主，肯德基爺爺圖案、Mam Cupy商標則安排於帽子嘅前後方。有趣嘅係，肯德基爺爺嘅圖案係上下顛倒嘅，暗示要將帽子反轉才能正常顯示，把帽子反轉後就能搖身一變成為炸雞桶。呢款KFC漁夫帽售價為1,800盧布（約HKD $224），暫時只限於俄羅斯出售，趣味感十足。 

漁夫帽喺80年代、90年代都流行過，係年輕人嘅必備帽款，且一直循環回歸、不退流行，正如肯德基經典嘅紅白炸雞桶，亦都一樣唔受時代影響，持續受歡迎。所以今次肯德基先會同 Mam Cupy 合作，將紅白炸雞桶與漁夫帽結合，成為新嘅有趣商品。

但唔好以為有錢就可以買得到，因為呢頂漁夫帽不但只係限量，而且仲係限定地區發售。目前只有俄羅斯KFC 同 Mam Cupy 網店先可以入手，有興趣嘅朋友不容錯過！

售賣網站：Mam Cupy