有留意歐美彩妝嘅女仔，都一定會認識由 Rihanna 成立嘅彩妝品牌 Fenty Beauty by Rihanna！而最近，Fenty Beauty終於正式宣佈於9月3日進駐香港！呢個由國際天后Rihanna 與 KENDO BRANDS 於2017年共同推出嘅彩妝品牌，至今已登陸17個國家，今年9月，終於輪到香港！同時間登陸嘅仲有澳門、首爾同濟洲，進駐多個亞洲彩妝據點。
近年，越嚟越多明星創立個人品牌，與其話係明星效應，不如話係佢哋分享自己想法嘅一個途徑；FENTY BEAUTY BY RIHANNA就係其中一員。Fenty Beauty 提倡“Beauty For All”嘅共融理念，其多元化嘅色號，令唔同種族、文化、膚色或風格嘅人，都可以喺 Fenty Beauty 搵到適合自己嘅化妝品，令大家都有變美嘅權利。
除咗滿足膚色需要，Fenty Beauty 亦致力提供適用所有膚質嘅配方、質地更絲滑貼膚嘅美妝品，以配合唔同人嘅需要。Fenty Beauty 亦係 100%無動物實驗嘅品牌，不對動物造成任何傷害。
唔少女仔都鍾情於Fenty Beauty嘅包裝設計，裸粉色為主色調，配以玻璃、磨砂等素材，令人有「將整個系列嘅彩妝品都收藏」嘅衝動！
9月登陸亞洲各地
由9月3日開始，Fenty Beauty 正式登陸香港同澳門嘅 DFS 旗下 T 廣場（T Galleria）、Sephora（絲芙蘭）、Harvey Nichols（夏菲尼高百貨公司）及旗下美容概念店Beauty Bazaar 及 Beauty Avenue。韓國地區則於首爾的樂天免稅店、韓際新世界免稅店以及濟洲新羅免稅店有售。
呢次亞洲嘅販售地點，將以免稅店、美妝店為主擴張，雖然唔係品牌獨有專門店，不過之後若果有最新系列上架，就算唔喺歐美國家，都能夠零時差購入，對粉絲嚟講都絕對係一個大好消息！
3大熱賣產品推介
Pro Filt'r Soft Matte Longwear Foundation（官網價格：34美金）
Pro Filt'r粉底液多達40款色號，特別為唔同膚色嘅人而設，傳遞「全球女孩都買得到適合自己膚色嘅粉底液」嘅理念。霧面粉底液遮瑕度高，細緻又唔厚重，唔會營造出明顯粉感。唔少用家都非常欣賞呢個粉底液，認為佢質地微濃稠，延展力佳，以及遮瑕力十分理想。
KILLWATT Freestyle Highlighter （官網價格：34美金）
Killawatt Freestyle 打亮粉擁有特別嘅設計，一盒包括兩款唔同亮澤度嘅高光，可以當眼影或打亮粉兩用。小編推薦Lightening dust同Fire Crystal色號，裸粉色調非常適合亞洲女生膚色，偏霜狀質地容易與妝容融合，粉質相當幼細，打造自然嘅光澤感。左邊係較細緻嘅光影粉，右邊嘅閃片就比較大，女生可視乎場合選擇左右兩面不同嘅打亮效果，或者兩者配合使用，營造出充滿層次嘅光澤感。
MATCH STIX Shimmer skinstick（官網價格：25美金）
熟悉歐美妝容嘅女生應該都知道光影及陰影係歐美妝容嘅關鍵，而Fenty Beauty嘅光影及陰影棒就受到唔少粉絲所追捧。呢支多功能修容棒呈六角形蜂巢設計，色號同粉底液一樣都係超多，集結胭脂、陰影、光影三大修容需求，係一種適合任何膚色、各種臉型嘅女生用嚟修飾臉型嘅彩妝品。
