韓國人氣男星孔劉多年嚟都出任即溶咖啡品牌KANU嘅代言人，官方半個月前就開始喺各大超市同賣場出售孔劉杯緣子，等粉絲可以將184cm嘅男神縮細，方便放入手袋，帶住佢一齊返工！ 
今次呢個杯緣子系列一共有5款，迷你孔劉身穿白襯衫同黑色圍裙，佢一時趴喺咖啡杯上偷睇，一時拎住愛心，一時拎住咖啡豆，夠哂盞鬼！
除咗掛喺杯邊，仲可以放喺電腦丶鍵盤同枱面呢啲位置，確保每個角落都有男神喺到。當你返工喺電腦前面打嘢打到無哂精神，個人好大壓力嘅時候，男神就可以出嚟幫你叉足電！
睇下孔劉出鏡嘅廣告片段先~
睇完真係想即刻飛去韓國掃貨，不過聽講只係上架咗半個月周圍已經嚴重缺貨，想買嘅話下次去韓國可能要去多幾間超市揾喇！
Tags: Homita新鮮事
如果你都想分享你嘅美容、時尚、旅行、運動心得，請將投稿文章連同不多於100字個人簡介同埋近照一張，電郵到： editor@homita.com.hk，文章經小編篩選後更有機會刊登喺我哋FB專頁，一經入選我哋會支付相應稿酬，仲唔快啲來投稿？
Author Information
You May Also Like
