當大家仲為緊新一年狂歡嘅時候，2018南韓娛樂圈就即刻爆出韓國天團BIGBANG嘅隊長G-Dragon同前女團AFTER SCHOOL成員李珠妍嘅戀情。係各位姐妹快要面臨失戀嘅同時，就等我地好好認識李珠妍，睇下佢有咩魅力吸引到GD啦！

過往GD嘅緋聞女友都擁有一副極到厭世嘅樣貌，就好似f(x)前成員雪莉，日本模特兒小松菜奈同水原希子，但今次嘅女朋友一改常態，以情新溫暖、自然甜美嘅特質捉住男神嘅心～

【特質1：努力保濕，養出素顏力】

李珠妍早在2002年以清新自然嘅面孔被韓國網站封為「臉讚」之一，亦曾在節目中大方公開素顏，自帶女神光以及透出光澤嘅蛋白肌膚早已被網民成為熱話，完全睇唔出已經踏入3字頭，唔講仲以為只係個18歲嘅青春少艾。

以下就係佢嘅招牌洗面秘訣：

STEP 1. 用化妝棉以按壓方式先卸妝，注意力度唔可以太大

STEP 2. 再用洗面刷深層清潔肌膚，然後用清水沖洗

STEP 3. 用黑頭粉刺清潔棒輕輕係鼻頭打轉溶解黑頭

STEP 4. 最後用溫水洗面

【特質2：就算化妝，肌膚都要水潤透亮】

比起搽一層層厚厚嘅美白粉底，李珠妍較為重視肌膚嘅水潤光澤感。佢曾係Instagram分享過佢最愛用嘅底妝產品，包括有BOBBI BROWN嘅高保濕修護精華粉底SPF40 PA+++同VT骨膠原拉花粉底霜，無論再乾燥都能夠令妝容變得貼貼服服。

BOBBI BROWN高保濕修護精華粉底（HK$580/30ml）；VT骨膠原拉花粉底霜(HK$258/11g)

【特質3:唔刻意遮蓋臉上嘅小瑕疵】

邊個話有雀斑不可愛！而家個個都追求臉上零瑕疵，但與其用幾層粉黎遮住臉上嘅癦同雀斑嘅女仔，倒不如化一層淡淡嘅底妝，俾人睇更親切可愛，更有鄰家少女嘅感覺。

【特質4:甜美嘅粉紅唇色】

唇形飽滿嘅李珠妍，私底下好鐘意用一啲粉潤得黎又帶點nude colour嘅桃色唇彩，唔會因為紅得際而冇左嗰份清純可愛，少女感萬分！

大家不妨係下面留言，你地會支持哩一pair嗎？